24 Јуни, 2018
0.4121
    ALK 8331.04    0.37%     BESK 9899    1.01%     COMA 306    0%     GRNT 848.09    2.11%     KMB 5322.64    1.79%     MPT 43620.21    5.11%     MTUR 4790.91    1.94%     OHB 6376.92    -0.37%     OKTA 4747    9.98%     POPK 15    7.14%     RMDEN16 95.5    0%     RMDEN17 95.6    0.21%     RZLV 82.6    1.98%     RZUS 149.5    6.03%     STB 981.83    1.27%     STBP 896.62    0.28%     STIL 153.87    3.97%     TETE 2299.91    0.45%     TNB 13946.7    1.16%     TPLF 1113    -9.95%     TTK 1030.25    2.55%     UNI 2618.83    8.01%     ZILU 262.98    2.73%

Зошто ВМРО-ДПМНЕ падна во замка со „заробеното“ судство во интерпелацијата?

Објавено во: Анализа 10 Април, 2018

ВМРО-ДПМНЕ со поднесената интерпелација на владата на Заев не дава премногу знаци дека има јасна и добро утврдена опозициска реторика со која може да ја напаѓа новата власт и да врши постојан притисок врз неа со цел да го промени јавното мислење пред некои наредни избори.

Во поднесената интерпелација за изгласување недоверба на владата доминираат фрази кои можеби и се познати на критичката јавност во Македонија, но истите премногу наликуваат на реториките кои претходно ги користеше СДСМ и врз истите ја градеше својата опозициска стратегија, па дури дел од нив станаа и нивен симбол во борбата со власта на Никола Груевски.

Меѓу нив би ги споменале фразите „заробено судство“ и „партизирана админстрација“. Да потсетиме дека СДСМ со години го градеше јавното мислење дека судството е под директна контрола на Груевски и неговите најблиски соработници, а потоа објави и повеќе „бомби“ за „Сваровски“ судството, за нарачка на именување на судии од „тефтерчето“, силни притисоци од видни партиски и владини функционери за носење на соодветни судски одлуки, како и на најразлични видови на мешање во работата на правосудните органи.

Сега, ВМРО-ДПМНЕ нема доволно „материјал“ за да образложи зошто токму сега судството е „зарабено“, освен што СДСМ како партија која ја има власта 10 месеци не успеа да спроведе побрзи реформи во правосудните институции, додека пак за притисоци и други форми на прекршувања нема ниту збор во јавната сфера.

Меѓу главните аргументи кои се наведени во предлог интерпелацијата ВМРО-ДПМНЕ наведува дека власта не ги спровела ветените правосудни реформи, дека тој неуспех го прикрива со притисоци и закани и како главен пример го наведува приведувањето, притворањето и обвинението на лицата осомничени за крвавите настани од 27 април 2017 година кога имаше упад во Собранието и напад на пратеници, новинари и полицајци. 

Понатаму ВМРО-ДПМНЕ на некој начин признава и дека лошата состојба во судството е нивна вина, односно дека со владеењето на Груевски се уништија многу принципи на поделба на извршната и судската власт, па сите сегашни последици не се доволно брзо надминати од власта на Заев, што и не најпаметна тактика за собраниски мегдан каде пратениците на власта многу лесно би ги одбраниле сите напади од опозициските пратеници па дури би успеале и без никакви проблеми да наметнат контра удари, доволно е само да цитираат неколку извадоци од бомбите за „Сваровски“ судството. 

Исто така власта ќе има и доволно аргументи за „одбрана“ на судската постапка за Крвавиот четврток бидејќи не може преку политички или партиски притисок да се врши правна одбрана на лица осомничени за терористичко загрозување на уставниот поредок и безбедноста во еден од најстрашните денови за македонската демократија и внатрешен мир во изминатите десетина години што беше и врв на политичката криза. 

Автор: Христијан Станоевиќ

Можеби ќе ве интересира

НЕВОЗМОЖНА МИСИЈА: Со просечна плата до нов автомобил?

НЕВОЗМОЖНА МИСИЈА: Со просечна плата до нов автомобил?

Колку пари ќе собере државата од повисокиот персоналец и зошто и требаат

Колку пари ќе собере државата од повисокиот персоналец и зошто и требаат

Колку пари ќе не чини првата 30 годишна државна обврзница?

Колку пари ќе не чини првата 30 годишна државна обврзница?

Што ги зголеми заштедите: Банките чуваат 5,6 милијарди евра

Што ги зголеми заштедите: Банките чуваат 5,6 милијарди евра

Потрошувачките и станбените кредити забрзано растат: Колку им должиме на банките

Потрошувачките и станбените кредити забрзано растат: Колку им должиме на банките

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

СЕ КРЧКА ЗАКОНОТ: Колкави треба да ви се приходите за да плаќате повисок данок?

СЕ КРЧКА ЗАКОНОТ: Колкави треба да ви се приходите за да плаќате повисок данок?

Како „Кам Маркет“ го изеде “Тинекс“?

Како „Кам Маркет“ го изеде “Тинекс“?

Како „газат“ големите ланци на супермаркети?

Како „газат“ големите ланци на супермаркети?