ЖУРКА ВО МОШ И СИНОЌА: 50-ттина полицајци не ја прекинале забавата и вториот настап на Владо Георгиев, ситуацијата излегува од контрола

Добивај вести на Viber

И покрај кривичната пријава за пречекорување на работното време за екслузивниот лаунч бар Мош во центарот на Скопје, тоа синоќа повторно работеше непречено. Интервенирал Пазарниот инспекторат во придружба на околу 50 полицајци, но забавата не била прекината.

Како што пишува 360, полицајците синоќа влегле во „Мош“ и им посочиле на вработените да ги оддалечат масите и да отстранат дел од инвентарот, односно да постапат согласно со протоколите и да обезбедат дистанца. Но кога инспектрите заминале од локалот, сопствениците повторно ги вратиле масите.

Потоа дел од медиумите јавија дека локалот работи и вечерва со многу гости и гласна музика, како и дека повторно настапува Владо Георгиев. Поради тоа, сега е поднесена и кривична пријава за загрозување на јавното здравје, а сопственикот е казнет со 4.000 евра.

Директорот на инспкторатот, Стојко Пауновски, за Фактор вели дека има десетици екслузивни локали, меѓу кои и познатиот лаунч бар Интермецо во Капиштец, кои постојано ги прекршуваат протоколите, а со тоа им нанесуваат штета и на останатите локали, бидејќи властите сериозно размислуваат за повторно воведување на рестриктивните мерки кои директно ќе се однесуваат на работата на угостителските објекти, кафулиеа, ресторани, барови...

Пауновски во претходни разговори за Фактор потенцира дека мора да се направат законски измени со цел инспекторите да може на лице место да стават клуч на врата на локалите кои не се придржуваат до протоколите за работа во време на епидемија.

-Бројот на новозаразени секојдневно расте, епидемиолошката состојба е се полоша, но свеста кај граѓаните е на најниски гранки. За жал не помагаат казните, вели Пауновски.