НЕМААТ ЌАР, НЕ ГИ НИ ПРОДАВААТ, ЕТЕ ТОЛКУ ЈА ПОЧИТУВААТ ВЛАДИНАТА МЕРКА: Некои книжари затворија, а во некои маркети не се ни продава училишен прибор

Добивај вести на Viber

Откако Владата донесе одлука со која се ограничува највисоката трговска т.е. профитна маржа на училишниот прибор, како што се тетратки, ранци, боици, пластелин, подлоги, фломастери, маркери, мрсни боици, акрилни, водени бои и четки, линијари и дидактички материјали, острилки и гуми за бришење, детски ножици, футроли и училишни додатоци, шестари, дигитрони, компаси, креди, табли, чаши за прибор и држачи и други производи потребни за учениците, некои од книжарите во помалите населени места решија да ги затворат книжарите и да напишат дека наводно прават попис. 

„Не сакам да ја споменам населбата бидејќи имаме само две книжарници и сите ќе знаат дека зборувам за нив. Значи денес се упатив да купам прибор за син ми за на училиште, ниту една не работеше. На двете стоеше дека наводно прават попис. Малку е симптоматично бидејќи тие две книжари имаат дуопол во нашата населба и на повеќето од нас ни стана јасно дека најверојатно станува збор за намерно затворање, за да не продаваат производи за кои е намалена маржата“ вели скопјанка.

Познатата фејсбук страница пак, Шиљо магазин, објави фотографија од скопски маркет, каде досега се продавале училишни материјали, но овој пат истите иако изложени, не беа за продавање.

Во некои од маркетите пак, продажбата на предмети кои се потребни за на училиште беше укината.