Жбогар порача дека името треба итно да се реши
Објавено во: Македонија 17 Април, 2018
Евроамбасадорот Самуел Жбогар им честиташе на граѓаните за препораката за почеток на преговори за членство во ЕУ, но додаде дека не беше лесно, сите работеа заедно, Парламентот ги донесе неопходните закони, а Владата ја смени својата политика.
„Но, треба подобро функционирање на судството и на јавната администрација, односно неопходни се заложби за професионална и транспарентна јавна администрација. Политичарите да ги пуштат институциите да работат независни“- рече Жбогар.
Тој порача и дека проблемот со името итно треба да се реши и кажа дека е добро што разговорите се интензивираат.