2017-та плодна за овие милијардери: Кои двајца го зголемија богатството за над 20 милијарди долари?
Објавено во: Финансии 28 Јули, 2017
2017-та е добра година за двајца милијардери - Џеф Безос и Марк Цукерберг. Дури и повеќе од добра.
Состојбата на двајцата од почетокот на годината е зголемена со над 20 милијарди долари.
Основачот и извршен директор на Amazon се стекнал со 22,6 милијарди долари.
За кратко во четвртокот вечерта тој дури стана најбогат човек на планетата, откако акциите на компанијата забележаа скок, но само за 6 часа повторно се врати на втората позиција по Бил Гејтс.
Во моментов богатството на Безос е 85 милијарди долари, а тоа на основачот на "Мајкрософт" е 90 милијарди долари.
Од почетокот на годината, пак, богатството на основачот на Facebook се зголемило за 20,1 милијарди долари. Со богатство од 50 милијарди долари Марк Цукерберг сега е петти најбогат човек во светот.
Безос должи 93% од своето богатство на акциите во Amazon, додека кај Цукерберг 96% од неговата состојба е од акцијата на Facebook.
И двете компании се претставуваат силно од почетокот на 2017 година, допридонесувајќи за богатење на двајцата милијардери.
Акциите на Amazon се зголемиле за 36% до денес, а оние на Facebook- со 41% од почетокот на годината.