Добивај вести на Viber
МЕПСО ќе потроши 2,6 милиони евра за реновирање на скијачките центри „Крушево“ и „Пониква“. Работите ќе ги изведува фирмата „Енерго систем“, која победила на двата тендери. Во Крушево за 1,5 милиони евра ќе треба да направи систем за правење вештачки снег, да ги обнови патеките и да постави осветлување, со кое ќе се овозможи скијање и ноќе. Зафатот во Пониква е нешто поефтин и ќе чини 1,1 милион евра. И таму скијачкиот центар ќе биде целосно реновиран. Двата скијачки центри се последните што се во државна сопственост. МЕПСО се одлучи дел од вишокот пари што го има да го инвестира во нив и на тој начин да го помогне општото добро, по препорака на владата, со цел да тие да се модернизираат и да привлекуваат повеќе туристи.