20 Октомври, 2019
0.0174

3 предлог мерки за ред во кредитирањето во Хрватска

Објавено во: Мои пари 09 Октомври, 2012

Здружението „Франк“ и Министерството за финансии направија исчекор напред по неодамна одржаниот состанок на кој организацијата чекаше речиси девет месеци, се вели во соопштението на ова здружение.  Како што било договорено од  „Франк“,  во писмена форма до Министерството биле доставени предложените мерки со кои тие бараат заштита на корисниците на кредитни услуги. Од здружението побарале итно  воведување законски регулативи и надзор во делот на станбени кредити, како особено ранлива категорија на кредитирање, а со ниту една од предложените мерки не го допреле државниот буџет. Ова се трите предложени мерки со кои треба да се стави ред во кредитирањето во Хрватска. Првата предложена мерка е работена по унгарскиот  модел кој успешно се спроведе во 2011 година, а се однесува на донесување нови законски мерки со кое ќе се овозможи стабилизација на главницата на кредитите во швајцарски франци, според  девизниот курс кој бил на сила на денот на започнување со отплатата на кредитот . Вториот чекор ќе биде конверзија на кредитите од швајцарски франци во евра или во домашната валута (куна).  Оваа мерка  треба го запре финансиското уништување на должниците и понатаможното влегување на банките во лошите кредити , се со  цел да се обезбеди финансиска стабилност на должниците, а притоа да не се доведе во прашање стабилноста на депонентите и да се ослободат дополнителни средства за потрошувачка и полнење на државниот буџет. Ова според „Франк“ ќе доведе до пад на вкупниот номинален долг на граѓаните, што ќе се одрази на вкупниот износ на долгот на Хрватска. Друга клучна мерка е воведувањето на транспарентни променливи каматни стапки кои ќе се состојат од фиксен и од варијабилен дел. На варијабилниот дел надзор ќе врши регулаторно тело,  додека за фиксниот дел е однапред дефиниран износот кој во текот на отплатување на кредитот нема да смее да се менува.  Оваа мерка треба да го регулира самоволието на банките во делот на каматата, ќе ја поврати вербата во финансиските институции и ќе им овозможи на должниците да го планираат износот на своето задолжување со што ќе се ублажат каматните шокови. Третата мерка е донесување „Закон за личен  стечај“ по забрзана постапка.  Фер моделот би подразбирал губење на имотот на должникот, со што ќе се задоволат голем дел од побарувањата, но и отпис на преостанатите долгови за должникот да добие можност за нов почеток по 2-5 години управување на приходите од страна на стечаен управник. Мерката ќе им помогне на најзагрозените луѓе да го најдат својот излез од ситуацијата, но исто така, треба да ги принуди банките да водат повеќе сметка за соработка и партнерство со клиентот.

Можеби ќе ве интересира

Дефектот во Скопје Север е саниран

Дефектот во Скопје Север е саниран

Се врши реконструкција на улична мрежа во Гази Баба

Се врши реконструкција на улична мрежа во Гази Баба

Прекинато водоснабдувањето на повеќе улици

Прекинато водоснабдувањето на повеќе улици

Градот Цетиње ја доби наградата Globallocal

Градот Цетиње ја доби наградата Globallocal

Санирани два дефекти во Скопје

Санирани два дефекти во Скопје

Прекинато е водоснабдувањето во повеќе населби

Прекинато е водоснабдувањето во повеќе населби

Прекин во водоснабдувањето на повеќе места низ Скопје

Прекин во водоснабдувањето на повеќе места низ Скопје

Сашка Николова избрана за нов претседател на ИАБ Македонија

Сашка Николова избрана за нов претседател на ИАБ Македонија

Дефектот во Козле е саниран

Дефектот во Козле е саниран