Добивај вести на Viber
Компанијата за здрава храна „Виталиа“, во соработка со Одделението за предучилишно воспитување при Општина Кисела Вода, е дел од проектот „Здрави навики – здраво бебе“.
Во рамките на овој проект, експертите на „Виталиа“ одржаа серијал на стручни предавања во неколку градинки во оваа општина, со цел да им се овозможи на родителите да се информираат околу правилниот начин на исхрана,како и совети околу имунолошкиот статус за здрав развој на детето.
Еден од главните предуслови за здрав развој на децата од претшколска и школска возраст е здравата и правилна исхрана. За жал, брзиот и динамичен живот наметнува поинакви, нездрави навики не само на возрасните, туку и на најмалите. Готовите оброци и брзата храна стануваат дел од секојдневието на се поголем број на деца - што придонесува за проблеми со здравјето во подоцнежните фази од нивниот развој, велат од компанијата за здрава храна Виталиа, која редовно ги подржува и иницира кампањи кои се директно насочени кон подобрување на квалитетот на животот и стекнување на здрави навики, со посебен акцент на најмладите– децата.
„Виталиа е општествено одговорна компанија која веќе 20 години од се срце се грижи за здравјето на нашето население. Оттука со големо задоволство се приклучивме на оваа извонредна кампања која има за цел едукација на родителите и негователскиот кадар за подобра грижа, нега и внимание на бебињата преку нивна здрва исхрана и одгледување. Искуството кое го стекнавме овие 20 години и експртизата во производството на здрава храна го преточивме во советодавни предавња за начинот на исхраната на бебињата што ќе овозможи нивен правилен понатаможен раст и развој” – изјавуваат од Виталиа.
Ова е продолжение на проектот „5-ка за здрава храна“ за кој компанијата во 2013 ја доби престижната 13 Ноемвриска награда.