А1 Македонија со успех ја реализира првата конференција Content Positive 2025
Објавено во: Мои пари 14 Ноември, 2025 12:13
А1 Македонија со гордост ја реализира првата конференција Content Positive 2025, една поинаква конференција, наменета за промоција на побезбеден и поквалитетен дигитален простор. Настанот претставува значаен чекор во визијата на компанијата за создавање позитивен и одговорен онлајн екосистем, каде што секој корисник може да се чувствува заштитено и информирано.
„Content Positive 2025 ја потврдува нашата долгорочна заложба како компанија да изградиме дигитален свет кој е безбеден, одговорен и инспиративен за сите. Нашата цел не е само да обезбедиме технолошка иновација, туку и да создаваме култура на свесност, образование и позитивни практики во онлајн заедницата. Веруваме дека секој поединец, организација и креатор има улога во градењето на побезбедно интернет опкружување, и само со заедничка одговорност и знаење можеме да овозможиме интернет кој е инклузивен, доверлив и поттикнувачки за развојот на следната генерација,“ изјави Методија Мирчев, Главен извршен директор на А1 Македонија.
„Наша мисија како компанија е да поттикнуваме одговорно користење на дигиталните технологии и да создадеме услови за иновации кои носат позитивни промени. Content Positive 2025 ја истакнува важноста на практичните решенија, соработка и свесност, кои се клучни за градење на сигурен и инспиративен онлајн екосистем. Веруваме дека со обединување на експерти, креатори и институции можеме да го обликуваме дигиталниот свет така што секој корисник ќе се чувствува заштитено, информирано и вреднувано,“ додаде Бранкица Толевска, раководител на бизнис трансформација, корпоративна стратегија и корпоративни комуникации во А1 Македонија.
На конференцијата учествуваа бројни истакнати личности од различни области, кои со својата експертиза и искуство дадоа значаен придонес во дискусиите за дигитална безбедност, медиумска одговорност, приватност, дигитални права, креаторство и младите како идни носители на позитивни промени во онлајн светот. Меѓу учесниците беа: Коле Чашуле, д-р Иван Чорбев, Нина Ангеловска, Јована Аврамовска, Стевчо Ристески, Н.Е. Амбасадор Памер, Ана Колева, Божидар Спировски, Весна Трпевска, Ас. д-р Васка Митова, проф. д-р Калина Сотироска Иваноска, Биљана Ристеска, Живко Мукаетов, Кики Мукаетова, Ана Попризова, д-р Димитар Јовевски и Елеонора Венинова.
А1 Македонија им се заблагодарува на сите учесници, панелисти и гости за нивниот активен придонес, инспиративни дискусии и посветеност, кои ја направија конференцијата Content Positive 2025 значаен настан за промоција на безбеден и одговорен дигитален простор.А1 останува посветена на темата за градење позитивен и безбеден дигитален екосистем. Компанијата ќе продолжи со активности и иницијативи кои поттикнуваат свесност, образование и одговорно користење на дигиталните технологии.
ПР објава* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Business for Business форум 2025 - Комерцијална банка ги спои иновациите со успешните бизнис приказни
АмЧам избра нови членови во Одборот на Директори и го прослави 25 годишниот јубилеј
Живко Мукаетов реизбран за член на Одборот на директори на Американската стопанска комора
Централен настан по повод Денови на финансиска писменост: Финансиската писменост е темел за стабилност и самостојност
Засадени 150 садници во новиот спортски центар „Идризово“ – донација од Пивара Скопје
НЛБ Банка, по дванаесетти пат, прогласена за „Банка на годината“ од The Banker
Празничен A1 Net Sеf подарок од А1 Македонија за сите корисници
