Абдилфета Алими откако излезе од затвор: Само на 27 април 2017 ми ги дадоа клучевите од Собранието

Добивај вести на Viber

Абдилфета Алими, вработениот во Собранието кој беше осуден за предавањето на клучевите од портите на Собранието на 27 април 2017, неодамна излезе од затвор откако му заврши неколкугодишната казна и вечерва гостуваше во емисијата „Патот кон“ на Алсат. Тој рече дека претходно бил систематизиран и му било одредено да ги има клучевите од портите сам дента на „крвавиот четврток“.

„Тој ден бев систематизиран на тоа место. Никогаш претходно не бев таму 7 месеци, освен на критичниот ден. Не знаев за таквите игри. Со тие клучеви, средните врати никогаш не биле отворени. Знаете добро кој ги отвори вратите“, рече Алими.

Чуварот кој наедно дента се обиде да го спаси од претепување тогашниот пратеник и лидер на Алијанса за Албанците, Зијадин Села, вели дека вратите не биле отворени со клучевите што ги предал.

„Му ги дадов клучевите затоа што беше супериорен и имаше политичка моќ. Тој беше телохранител на Трајко Вељановски. Во тоа време на власт беше ВМРО-ДПМНЕ. Но знајте дека со тие клучеви никогаш не биле отворени средните врати на Собранието. Добро знаете кој ги отвори вратите, тие што беа амнестирани“, изјави Алими