Адвокатите чекаат „црно на бело“ во кој затвор ќе оди Груевски

Добивај вести на Viber

Поранешниот претседател на ВМРО – ДПМНЕ, Никола Груевски, пред судот денеска изјави дека не му се познати сите аргументи за исклучувањата на членови од ВМРО – ДПМНЕ, но алудираше на тоа дека со последните „чистки“ се создава хомогена партија со единствено и силно мислење.

- Јас не ги знам сите аргументи и докази на раководството и врз основа на кои ги дели одликите за исклучувања и разрешувања, затоа би се воздржал од коментар. Она што го знам е дека е потребно едно силно обединето и победничко ВМРО-ДПМНЕ кое ќе го урне ова зло во Македонија. Во минатото се покажа дека секогаш кога ВМРО е силно, силна е и Македонија - рече Груевски.

Адвокатите на Груевски потврдија дека во понеделникот ја добиле извршната пресуда за случајот „Тенк“, а сега чекаат да биде формиран упатниот акт на кој ќе биде означен датумот, часот и затворот каде Груевски ќе треба да се јави.

Инаку во последно време се споменува рековираниот затвор во Куманово, каде што отслужуваат затвореници со помали казни од три години, додека екс-претседателот на ВМРО-ДПМНЕ е санкциониран со две години.