01 Декември, 2020
0.0297

Алармантен бројот на починати од Ковид-19: Починатите не се изнесуваат во лимени сандаци од Инфективна клиника, директорката Стевановиќ за Фактор

Објавено во: Македонија 26 Октомври, 2020

Само во последните три дена, за временна продолжениот викенд, од корона вирусот во болнички услови починаа дури 45 пациенти. Бројката е повеќе од алармантна, а уште повеќе загрижува фактот дека меѓу нив има и луѓе на воздраст од 30-тина години. Јавноста веќе неколку месеци наназад бурно реагира во однос на високата стапна на смртност, а главното прашање е како може и пациенти на 40, 50, 60, а сега веќе и на 30 години да починат од вирусот. Здравствените власти најавија дека во сите клинички болници се прави анализа, но таа се уште не е јавно презентирана во јавноста. Единствено, неколку пати до сега со свои изјави излегоа директорката на Клиниката за Инфективни болести, д-р. Милена Стевановиќ, како и директорот на ГОБ „8 Септември“, д-р. Христијан Костов, напоменувајќи дека за разлика од пред неколку месеци, пациентите веќе не  ја кријат болеста, односно навреме бараат лекарска помош и инсистираат на болничко лекување.

-Високата смртност се должи на тоа што најголем број од пациентите се со многу други коморбидитети, а во тој случај вирусот прави огромни компликации. Таков е и случајот со 36-годишниот пациент кој почина во петокот.  При прием, пациентот имал масивна пневмонија и сатурација од 75 проценти. Пациентот бил со прекумерна тежина и имал дијабетес мелитус, тип 2 за која примал терапија, HTA, рече д-р Стевановиќ за Фактор.

Анализата за високата стапка на смртност е доста комплексна, па во оваа насока и директорот на ГОБ „8 Септември“, д-р. Костов истакна дека се уште се работи на тоа, а потоа и официјално ќе биде соопштена во јавноста.  

Освен, големиот број починати, граѓаните уште од пред неколку месеци исплашено говорат дека починатите пациенти во болнички услови, на семејствата им биле предавани во лимени сандаци. Бараат одговори зошто е тоа така и дали вирусот е многу поопасен отколку што се зборува. За ова Фактор разговараше со директорката на Инфективната клиника, д-р. Стевановиќ, која вели дека оттаму ниту еден починат пациент не бил изнесен во лимен сандак.

-Многумина досега ме прашале за ова. Јас лимени сандаци во Клиниката за инфективни болести не сум видела. Починатите пациенти пред да се стават во сандак, според сите протоколи им се прави целосна дезинфекција, а потоа сандакот со посебен механизам се затвора, за да не може да биде отворен, но тоа не се лимени сандаци. Причината зошто се затворени така е за да не дојде до ширење на вирусот во семејството, бидејќи многу обреди се прават кога ќе почине некој, а сето тоа е навистина голем ризик за понатамошно ширење на заразата, истакнува д-р. Стевановиќ за Фактор.

Инаку, последниве денови здравствените власти активно се мобилизираат околу отворање можности за поголм број болнички капацитети, бидејќи бројката на новозаразени секојдневно во просек е над 500, а дури 10 проценти од нив мора да бидат хоспитализирани.

Во моментов во болниците се лекуваат дури 547 пациенти заразени со корона вирусот, а во однос на лабораториите за тестирање, министетот за здравство, Венко Филипче викендов најави дека силниот есенски бран ги оптовари лабораториите за тестирање, но се работи на изнаоѓање решение за нови термини. Рече дека се работи во три смени, а од почетоков на неделава разговараат и за отворање нови термини за тестирање.

Анита Буховски


Можеби ќе ве интересира

Протестот почнува во 12.30: Мицкоски се извинува за метежот, бара масовност

Протестот почнува во 12.30: Мицкоски се извинува за метежот, бара масовност

СУДСКИТЕ ХОДНИЦИ РИЗИЧНИ: Адвокати реагираат дека поради долго чекање рочишта се изложени на зараза со ковид

СУДСКИТЕ ХОДНИЦИ РИЗИЧНИ: Адвокати реагираат дека поради долго чекање рочишта се изложени на зараза со ковид

ИТАЛИЈАНСКИ НОВИНАР ЗА ФАКТОР: Maкедонија да преговара со Бугарија, а во ЕУ да се смени механизмот на гласање

ИТАЛИЈАНСКИ НОВИНАР ЗА ФАКТОР: Maкедонија да преговара со Бугарија, а во ЕУ да се смени механизмот на гласање

Податоците на полноќ: 32 починати пациенти, Скопје на врвот

Податоците на полноќ: 32 починати пациенти, Скопје на врвот

ФАКТОР НА ДЕНОТ: Во Брисел нема оптимизам дека ќе ги почнеме преговорите, во Македонија се протестира

ФАКТОР НА ДЕНОТ: Во Брисел нема оптимизам дека ќе ги почнеме преговорите, во Македонија се протестира

ВМРО-ДПМНЕ протестираше во 11 града: Ласовска порача дека никој нема право да ги негира фактите

ВМРО-ДПМНЕ протестираше во 11 града: Ласовска порача дека никој нема право да ги негира фактите

Изјавите на Заев нема да им ги врзат рацете на историчарите, вели Ѓоргиев

Изјавите на Заев нема да им ги врзат рацете на историчарите, вели Ѓоргиев

Случувањата околу Македонија се огледало на реалноста во ЕУ, анализира хрватски весник

Случувањата околу Македонија се огледало на реалноста во ЕУ, анализира хрватски весник

(ВИДЕО) Малагурски прашува дали е вредна ЕУ за толку многу понижувања?

(ВИДЕО) Малагурски прашува дали е вредна ЕУ за толку многу понижувања?