Американско - руските односи удар за рубљата
Објавено во: Економија 30 Декември, 2016
Руската рубља денеска поевтини во однос на доларот, откако САД соопшти дека ќе протера 35 руски дипломати.
Руската рубља се тргува со пад од 1% до 61,0506 рубљи за долар кон 16:30 часот. Вчера курсот беше околу 60,20 рубљи за долар, потсетува „MarketWatch“.
Првично и руското МНР ја повика Москва да возврати на мерката. Сепак, рускиот претседател Владимир Путин најави дека Кремљ нема да презема реципрочни мерки.
Причината за одлуката на Вашингтон е дека според американските власти руското разузнавање стои зад сајбер нападите за време на предизборната кампања во САД. Покрај избрканите 35 дипломати има и санкции наметнати токму против четворица високи членови на „ГРУ“.
Во последно време имаше затегнати односи меѓу двете земји. Кремљ беше обвинет дека стои зад сајбер нападите над Конференцијата на Демократската партија во САД, како и над поддршка на Џон Подеста, кој беше претседател на изборниот штаб на Хилари Клинтон.
Рубљата зајкана по победата на Доналд Трамп на претседателските избори во САД. Таа беше посилна во 2016 година, и поскапе со над 16% во однос на доларот.