Американци ја тужат AB InBev зошто ставала вода во пивото Бадвајзер

Добивај вести на Viber

Американски потрошувачи ја тужат пиварата Anheuser-Busch InBev (AB InBev) , производител на пивото Бадвајзер поради тоа што пивото го разредува со вода за да на тој начин ги намали трошоците и да ја зголеми добивката. Како што пренесуваат американските медиуми, група на американски потрошувачи бараат оштета од пиваратa која би можела да достигне до десетина милиони долари. Белгиско-бразилскиот производител на пиво ги отфрла обвиненијата како неосновани, пренесува Ројтерс. Според тврдењата на адвокатите AB InBev во неколку врсти на пиво, вклучувајќи го и Бадвајзер во содржината го навела процентот на алкохол различно отколку што навистина го има. „Пивото најверојатно се разредува непосредно пред да се наполнат шишињата и со тоа се залажуваат потрошувачите„ велат тужителите, но своите обвиненија не ги засноваат на независни тестови, туку на наводни изјави на поранешни вработени во компанијата. Главната тужба која според правниците може да донесе и оштета од десетина милиони долари за конзументите на пиво е поднесена во судот во Сан Франциско, а се подготвуваат тужби и во Њу Џерси, Пенсилванија и во други американски држави. Планирано е да бидат покренати 12 судски процеси, а туќителите ги повикуваат и другите потрошувачи да се придружат на овие тужби. AB InBev соопшти дека во четвртиот квартал лани профитот на компанијата се намалил за 4,9% како резултат на промена на финансиските трошоци, а нето добивката во тој период е намалена на 1,76 милиојарди долари од 2,85 милијарди долари споредено со последниот квартал од 2011 година. AB InBev е најголем производител на пиво во светот, а негови најпознати пива се Бадвајзер, Бад, Стела, Старопрамен, Бекс.