Ангел живее во колиба со влага, пешачи 5км за да јаде во народната кујна, и пак е среќен што се буди жив секое утро

Добивај вести на Viber

„....Незнам и не сакам да знам , како во овие 25-30 години се доделуваа станови, еднократна парична помош, донации и слично. Дали за да земеш социјален стан или било каква помош треба да си член и гласач на партијата која е на власт, да си вработен, да имаш куќа на татково име, да имаш фирма, кола, да си женет и многу други работи, и тоа е услов за социјален стан....“ 

Вака почнува еден статус на социјалните мрежи објавен деновиве а од кој јавноста дознава за ситуацијата во која се наоѓа Ангел од село Нежилово а од приложените фотографии може да забележиме дека станува збор за човек кој боледува од епилепсија, зад себе има неколку операции и неспособно за работа, живее во распадната колиба со влага, привремено во која нема ништо што е негово, бидејќи е на негов роднина.

Ангел, секое утро патува и 5 км за да јаде во народната кујна во Кратово.

Но сите тие услови не се пречка за Ангел и тоа не влијаело негативно на него, кој и покрај се е весел и покрај сите дијагнози, наутро кога ќе се разбуди се радува што е жив .

Овој човек, според наводите, добил само една донација од општина Кратово пред новата 2019 а оваа година бил заборавен, Но не и од пријателите и роднините, локални маркети кои почнуваат да му помагаат со храна и хигиена ....

...

Ние Веруваме дека овој случај не е единствениот во цела држава и дека има многу вакви приказни. Апелот кој го проследуваме е до сите оние кои можат да помогнат, бидејќи „очигледно институциите имаат премногу работа за да се занимаваат со ваквите случаи па немаат време да поведат ред , да прашаат, да воочат со какви проблеми се соочуваат и во какви услови живеат многумина како Ангел, институции кои чекаат вакви приказни да се објават на телевизија па потоа да се појават и да се правдаат вака или така е работава...