Антикорупциска ќе го “чешла“ раскинатиот договор на Чадиковски и болницата Жан Митрев
Објавено во: Македонија 12 Август, 2019
Оставката на доктор Владимир Чадиковски се најде под лупа на антикорупционерите.
Денеска антикоруциска отвори предмет по сопствена иницијатива за раскинатиот договор на кардиохирургот Чадиковски и болницата на Жан Митрев.
Тој си замина од Жан Митрев шест месеци откако како единствен лиценциран детски кардиохирург работеше во оваа Клиничка болница која пак од тогаш операциите на деца ги изведуваше на товар на Фондот за здравствено осигурување (ФЗОМ).
Чадиковски таму дојде со цел тим од Детската клиника, а со него се префрлија четворица други доктори педијатри, двајца анестезиолози и три сестри.
Чадиковски замина поради ненадминливи несогласувања со менаџментот околу обврските кои требало да бидат исполнети во оваа клиника.