Добивај вести на Viber
Димитар Апасиев, лидерот на Левица, по искрите што ги имаше со функционерите на ВМРО-ДПМНЕ изминатата недела, ја повика најголемата опозициска партија „да ги закопаат секирите“ и да направат уште еден заеднички протест.
„Ако е вистина дека Владата прифатила оти македонскиот јазик е заснован на западно-бугарскиот дијалект, тогаш тоа е прогласување тотална ВОЈНА ПРОТИВ НАРОДОТ!
Со оглед на драматичноста и сериозноста на ситуацијава во која сме доведени како народ, а која може неочекувано да се радикализира и да ескалира во следниов период, искрено апелирам до сите слободомислечки наши сограѓани, да создадеме силен и обединет Опозициски антивладин фронт против ова зло кое Македонија го немала од АСНОМ до денес. Да ги закопаме секирите додека да го кутнеме сатрапот Заев, а после пак ќе "ратуеме" - кој на лево, кој на десно. Ако ова не го сконтаме, пред нос ќе ја изгубиме Републиката, а тешко дека следните генерации ќе си ја повратат. Памет у глава и егото на страна. Долг е патот на Борбата!“, гласи последниот статус на пратеникот.
Обвинувања и навреди си разменуваа минатата недела на социјалните мрежи функционери на ВМРО-ДПМНЕ и професорот, кого главната опозициска партија го обвини дека им помогнал на парламентарното мнозинство и на спикерот Талат Џафери да обезбеди кворум за избор на Добрила Кацарска з
а уставна судијка. Апасиев одговори со навреди на фесбук, појаснувајќи, меѓу другото, дека СДСМ и ДУИ веќе имале мнозинство во салата за избор на уставната судијка.
Сепак, и покрај искричењата, Апасиев го заврши денот со учество на протестот по интервјуто на премиерот Зоран Заев за БГНЕС, но потоа повторно се пожали дека лидерот на ВМРО-ДПМНЕ, Христијан Мицкоски, не требало да говори на натпартиски протест.