28 Мај, 2022
0.0267

АРХИТЕКТОНСКОТО ДУО, БОЈАНА И ИВАН - СИНОНИМ ЗА УСПЕШНИОТ БРЕНД „СМАРТ ЛИВИНГ“: Примаат нарачки од Токио, Торонто, па дури и од скандинавските земји

Објавено во: Македонија 10 Мај, 2022

Тие се синоним за хармонија во бракот и успех во работата - Бојана и Иван се сопружници, но и архитектско дуо кое стои зад успешниот македонски бренд „Смарт Ливинг“ кој понатаму ќе прерасне во групација со компаниите „Каре“ и архитектонското студио „Суперблок“ под својата капа.

Денес со гордост можат да кажат дека примаат нарачки од Токио, Торонто, па дури и од скандинавските земји, а покрај нивната истрајност и упорност во работата, тие се најголема поддршка за младите архитекти.

Од каде идејата за да го донесете светски познатиот бренд „Каре“ во нашата земја? Раскажете ни нешто повеќе и за оваа успешна приказна.

- „Каре“ е германски бренд од Минхен специјализиран за мебел, светло и додадоци за ентериери, кој годинава прослави 40 години постоење. Во својата палета производи има повеќе од 4000 различни артикли и со тоа нашата продавница е полигон за ентериерните планери и за ентузијастите со префинет вкус. Каре со својот слоган !„Радоста на живеењето” моментално брои повеќе од 200 продавници ширум светот и е присутен во повеќе од 50 земји. Тоа што нас нè освои да го претставуваме овој бренд на нашиот пазар е автентичноста и необичноста на своите линии и секако затоа што станува збор за бренд кој нема ограничен избор на само еден стил, туку нуди различни насоки, од чисти скандинавски линии, до еклектични и декадентни парчиња кои изнудуваат насмевка на сечие лице.

Моментот кога „Каре Германија“ реши да влезе на нашиот пазар, нè контактираше нас. Изразија желба „Смарт Ливинг“ да биде нивнот партнер, како архитекти, но и добри познавачи на бизнисот со мебел, светло и додатоци. Уште на првиот состанок во Минхен се појави взаемна хемија и така започна приказната.

Покрај „Каре“, тука е „Смарт Ливинг“, за кој годинава ја добивте наградата најдобра е-продавница на годината за дом, мебел и градина. Што е она по што се води „Смарт Ливинг“?

- На почеток мислевме дека ваквите настани се одвиваат наместено и настанот организиран од „Е-Commerce“ ќе биде уште едно клише (што се покажа дека е сосем спротивното). Кога нè прочитаа да излеземе на сцена за да ни ја врачат наградата, навистина бевме во шок и сите предрасуди за настанот во моментот исчезнаа. Признанието за трудот ни е од особена важност, затоа што со ситуацијата на пандемија многу работи се сменија, а со тоа моравме и ние да се адаптираме и да го смениме фокусот и дискурсот во работата. Во период кога сè беше неизвесно, вниманието го насочивме на нашата онлајн продавница во која се интегрирани двете фирми за мебел, „Смарт Ливинг“ и „Каре“. Почнавме да примаме нарачки од Токио, Торонто, па дури и од скандинавските земји. Главната шега во фирма ни беше дека Македонци им продаваат скандинавски дизајн на Скандинавци.

Целото интервју на Женски магазин


Можеби ќе ве интересира

Со нов Закон ќе се деполитизира администрацијата

Со нов Закон ќе се деполитизира администрацијата

Осомничените за измама при купување парцели за изградба на фотонапонски централи на распит во Кривичниот суд

Осомничените за измама при купување парцели за изградба на фотонапонски централи на распит во Кривичниот суд

Шаќири: Стручното образование обезбедува побрзо финансиско осамостојување

Шаќири: Стручното образование обезбедува побрзо финансиско осамостојување

Премиерот Ковачевски на гости кај игуменот на манастирот Св. Јован Бигорски, Епископ Антаниски г. Партениј

Премиерот Ковачевски на гости кај игуменот на манастирот Св. Јован Бигорски, Епископ Антаниски г. Партениј

Две лица уапсени поради киднапирање и закани упатени кон трето лице

Две лица уапсени поради киднапирање и закани упатени кон трето лице

ССМ: Бесими да си прочита што му е предвидено во Закон и во Колективен договор

ССМ: Бесими да си прочита што му е предвидено во Закон и во Колективен договор

ПЕЦАКОВ, КУЗЕСКА, МИТЕВА... „СЛОЖНО“ ВО АМЕРИКА - новите ѕвезди на политиката во Македонија се на студиски престој во САД

ПЕЦАКОВ, КУЗЕСКА, МИТЕВА... „СЛОЖНО“ ВО АМЕРИКА - новите ѕвезди на политиката во Македонија се на студиски престој во САД

18-годишник со „Пасат“ усмрти пешак

18-годишник со „Пасат“ усмрти пешак

СЕ ОГЛАСИ БРАНКО ЦРВЕНКОВСКИ: Голема грешка беше Договорот со Бугарија и формирањето на Мешовитата историска комисија

СЕ ОГЛАСИ БРАНКО ЦРВЕНКОВСКИ: Голема грешка беше Договорот со Бугарија и формирањето на Мешовитата историска комисија