Атанас Кировски заминува од Телма: Дали е идниот директор на МРТВ?

Добивај вести на Viber

Атанас Кировски, актуелниот директор на телевизија Телма си заминува од овој национален медиум. За Фактор ја потврди информацијата и рече дека си оди поради лични причини. За идниот ангажман не открива многу детали, но вели дека има неколку како што рече примамливи понуди, за кои се уште размислувал. 

Кировски кој во Телма ја врши функцијата и на одговорен уредник, вели дека искуството во Телма било одлично, но дека одлучил да замине за што веќе го известил и менаџментот на телевизијата. Сепак заминувањето ќе се случи во следните неколку месеци со оглед на тоа што Кировски има менаџерски договор за работата во Телма.

„Планирам да си заминам и тоа е исклучиво од лични причини. Си одам комплетно сам, рече Кировски за Фактор.

Во последно време се зборува дека токму тој е идниот директор на националниот сервис - МРТВ, но тој вели дека станува збор за чаршиски муабети. 

Во тек е Конкурсот за избор на членови на Програмскиот совет на МРТВ, а тој совет ќе распише конкурс кој од пријавени кандидати треба да избере нов директор на МРТВ.