Австрија побара контрола на границите на Шенген зоната
Објавено во: Балкан 28 Март, 2016
„Ние знаеме дека над 5.000 лица заминале за Сирија и Ирак, за да поминат обука или дури да учествуваат во борбените дејства“, истакна таа. За оваа причина поминувањето низ проверка на надворешните граници на ЕУ е актуелно, откога и да било, убедена е Лаитнер.
Таа се осврнала и на кризата во грчкиот логор во Идомени (Сухово), која се појави поради дејствијата на властите во Атина, кои се обидуваат да го пренесат проблемот на своите соседи. Австрискиот министер за внатрешни работи ја повика Грција и невладините организации да ја користат целата сила на убедување и да ги мотивираат мигрантите да останат во оваа балканска земја.
Според неа е потребен јасен сигнал. Пристигнатите не треба сами да избираат во која земја ќе поднесат документи за азил, заклучи Јохана Микл-Лаитнер.
Во 2015 година ЕУ беше изведена пред невидена криза поврзана со миграциониот прилив. Главните две маршрути за навлегување на мигрантите беа во Грција и Италија. Извештајот на ЕУ откри дека властите во Атина не положиле никакви напори за обезбедувањето на надворешните граници на Унијата, а само се труделе да се ослободат најбрзо од мигрантите, префрлајќи ги во соседна Македонија.
Македонија со поддршка на Австрија, Унгарија, земјите од Западен Балкан и Вишеградската група ја затвори границата со Грција, издигајќи двојна ограда. Така беше запрен приливот на мигранти кои Атина организирано ги испраќаше кон нашата земја.
На самитот на ЕУ-Турција, одржан на 7-8 март 2016 година, официјално беше затворен т.н. Западен пат.
Сепак големи групи мигранти остануваат на територијата на Грција. Наместо да бидат раселени и сместени во т.н. прифатни центри, кои требаше да бидат подготвени пред 5 месеци Атина ги држи во нечовечки услови, обидувајќи се да ги користи за свои лични цели - притисок врз Европа, за да бидат прифатени.
По затворањето на Западен пат мигрантите бараат нови патишта за влез во ЕУ. Според многу европски политичари, експерти и медиуми еден дел од нив ќе поминат преку територијата на Бугарија.
„Франкфуртер алгемајне цајтунг“ дури предупредува дека ако пристигнале во Бугарија мигрантите најверојатно ќе останат во оваа земја, бидејќи нивното понатамошно движење кон Романија и Србија ќе биде отежнато.
Бугарија била предупредена за опасноста од новите миграциони правци и од македонскиот претседател Ѓорге Иванов.