„Балансерот“ падна на Уставен суд
Објавено во: Македонија 09 Октомври, 2024
Уставниот суд денеска на седница донесе одлука за укинување на „балансерот“ - алатката за вработување според национална припадност во државните институции. Одлуката нема да важи ретроактивно
Претходно, минатиот месец Уставен суд донесе т.н. времена мерка за оспорените одредби, што значеше додека не се донесе конечна одлука да не може да се применуваат принципите од т.н. балансер при вработувањата во државната администрација.
Во меѓувреме Министерството за администрација издаде насоки до институциите да ги прекинат огласите за вработување. Со потпис од министерот Горан Минчев, се дадоа насоки сите актуелни огласи за администрација да бидат поништени во кои еден од условите е етничката припадност на кандидатот.
Изминатиот период имаше и политичко препукување на оваа тема - најчесто помеѓу ДУИ и ВЛЕН. Едните тврдеа дека се загрозуваат правата на Албанците и Охридскиот рамковен договор, додека другите аргументираа дека „Балансерот“ е манипулативна алатка и дека треба да се замени со соодветно законско решение.