16 Јули, 2019
0.0329

Банкарите рушат рекорди со заработките: Еве колку инкасираа од камати, а колку од провизии

Објавено во: Економија 15 Март, 2019

Стопанска банка оствари добивка од 44,5 милиони евра лани, НЛБ банка од 34, 5 милиони евра, а Комерцијална банка во 2018 година прокнижи добивка од 28,9 милиони евра – петте големи банки имаат импресивни резултати, но какви се показателите за сиот банкарски сектор. Фактор го анализира билансот на успех за сите банки, а анализата покажува дека банките лани срушија нов рекорд по остварената добивка. Имено за цела година банките во земјава имаат добивка по оданочување од 135,8 милиони евра. Ова добивка е за дури над 27 проценти повисока од остварената во 2017 година кога банките прикажаа позитивен финансиски резултат од 106,5 милиони евра.

Податоците од билансите на успех кои ги објави Народната банка покажуваат дека најголемиот дел од оваа добивка ја креирале големите банки кои лани прикажале профит од над 128 милиони евра. Добивката на средните банки изнесува над пет милиони евра, додека сите мали банки имаат добивка од 2,7 милиони евра.

Билансите покажуваат дека банките лани оствариле приходи од камати во вкупна вредност од 318,8 милиони евра, а нето приходите од камати се 250 милиони евра. Банкарите наплатиле на име провизии и надоместоци од граѓаните и фирмите дури 7,5 милиони евра.

По банки, најголема добивка прокнижи Стопанска банка Скопје или во 2018 година банката има добивка од 44,5 милиони евра. Оваа добивка е за 11,4 милиони евра поголема од добивката на банката во 2017 година.

НЛБ Банка има прифит од 34,5 милиони евра, додека Комерцијална банка ја заврши годината со добивка од 28,9 милиони евра. Добивката на Охридска банка Сосиете женерал е околу 9,4 милиони евра.

Инаку Фактор веќе пишуваше дека најголемите четири банки во земјава имаат бруто кредитни пласмани во износ од 3,4 милијарди евра на крајот од 2018 Во споредба со крајот на 2017 година вредноста на бруто кредитите пласирани во македонската економија е поголема за 170,8 милиони евра.

А.Т.


Можеби ќе ве интересира

Позната бројката за 2018 на Македонци кои не се вратиле од Германија

Позната бројката за 2018 на Македонци кои не се вратиле од Германија

Возачи од денес ќе точите горива по повисоки цени

Возачи од денес ќе точите горива по повисоки цени

Над 4.100 граѓани аплицираа во Град Скопје за субвенции за велосипед во 2019 година

Над 4.100 граѓани аплицираа во Град Скопје за субвенции за велосипед во 2019 година

Бислимовски очекува новите станови да поевтинат за 100 евра

Бислимовски очекува новите станови да поевтинат за 100 евра

По повисоки цени возачите ќе полнат бензин и дизел од полноќ

По повисоки цени возачите ќе полнат бензин и дизел од полноќ

Како работеа бизнисите на Трифун Костовски лани?

Како работеа бизнисите на Трифун Костовски лани?

Сестрата Олга со „Еуролинк осигурување“ подобра од братот Коки со „Еуростандард банка“

Сестрата Олга со „Еуролинк осигурување“ подобра од братот Коки со „Еуростандард банка“

Кој е поуспешен од децата на Трифун Костовски?

Кој е поуспешен од децата на Трифун Костовски?

Нови поповолни услови за кредитирање во Силк роуд банка

Нови поповолни услови за кредитирање во Силк роуд банка