Бар Форца и Винарската визба „Тиквеш“ одржаа работилница за подигнување на винската култура во земјава

Добивај вести на Viber

Бар Форца продолжува со својот вински концепт и овој пат заедно со најголемата винарница во Македонија „Тиквеш“ одржа едукативна работилница за подигнување на винската култура во земјава. Менаџерот за вински туризам на винаријата, Александар Ристовски, на присутните на работилницата им презентираше дел  од портфолиото на Тиквеш, како и правила на комбинација на различните вкусови со храна. „Горди сме што Тиквеш како најпрепознатлива македонска винарница со винска историја која временски се простира низ три векови, е дел од новиот вински концепт во Бар Форца. Наша заедничка цел е подигнување на винската култура во државата, како и зголемување на знаењето кај заинтересираните за историјата на виното и долгата традиција на Винаријата Тиквеш.“, велат од Бар Форца Досегашните едукативни вински работилници, кои се оддржуваат во склоп на новиот вински концепт на Бар Форца, се позитивно прифатени од сите заинтересирани, кои го зголемуваат своето знаење за историјата на виното како пијалок, како и технологијата при изработка на истото. Истите помагаат да се зголеми и свеста за винска култура во државата која ќе ја позиционира Македонија на светската мапа на познати вински региони кои нудат вино со висок квалитет и долга историја и ќе ја претстави како винска нација која има што да ѝ понуди на светската јавност. Од Бар Форца најавуваат едукативни работилници и за идната година.