Барот во Триумфалната капија се издава за почетна цена од 400 евра месечно

Добивај вести на Viber

Терасата на порта „Македонија“, се нуди под закуп на 5 години со намена кафе-бар и со почетна цена од 2,3 евра квадратен метар без ДДВ. Како што стои во огласот, заинтересираните лица кои ќе сакаат да отворат кафе бар на терасата ќе може да ја земат под кирија само доколку понудат повеќе од 400 евра месечно, бидејќи толкава е почетната цена за закупот на јавното наддавање. Се предвидува кафе-барот да работи осум месеци во годината. Сезоната ќе трае од 1 март до 31 октомври, со работно време од 18 часот до полноќ. Во огласот се вели и дека на товар на закупецот ќе бидат и комуналиите за просторот, како и трошоците за одржување на скалите и лифтот во објектот. Закупецот нема потреба од дополнителни инвестиции, бидејќи веќе е опремена со инвентар за функционирање на кафе-бар тераса, но во барот нема да се пушта музика. Јавното наддавање ќе се одржи на 1 јули. Ова е втор обид за давање под закуп на овој простор. Министерството за култура претходниот пат не успеа да најде закупец.