Бејли: УСАИД не сака да ја сруши власта туку да ја зајакне демократијата

Добивај вести на Viber

Американскиот амбасадор Џес Бејли во интервју за ТВ Сител посочи дека УСАИД и Американската амбасада во Скопје не работат на уривање на власта, туку дека средствата кои ги доделуваат преку грантови се користат за јакнење на демократските капацитети.

 - Дека УСАИД работи за уривање на владата едноставно не е точно. Дозволете ми да ви кажам што ние поддржуваме преку своите грантови на пример за фондацијата "Отворено општество". Тие менаџираа со грант за "Граѓанско учество". Што тоа значи? Значи жените во Тетово да работат заедно кон подобрување на родовата еднаквост во нивната средина, во нивната општина. Граѓанско учество значи и младината во Велес или Делчево да работи за подобрување и разубавување на својата средина Значи и жителите на Битола да ги постават прашањата за животната средина и загадувањето на воздухот. Тоа го подразбираме под "граѓанско учество". И на тоа се однесува грантот на УСАИД. Грантовите не се за поддршка на некоја идеологија или политичка партија, или било што слично. Се работи за создавање услови за активна и здрава демократија, вели Бејли во интервјуто.

Амбасадорот Бејли исто така истакна дека најавите за истрага од американскиот конгрес за начинот на кој работи УСАИД во Македонија се добредојдени и дека нема ништо спорно во нашите активности.