Бектеши им се закани на рудниците: Ако не работите, ќе се одземе концесијата
Објавено во: Економија 20 Септември, 2022 07:00
Министерот за економија Крешник Бектеши им се закани на оние рудници и комбинати, кои под оправдување за енормно скапа струја го прекинаа своето производство, дека ќе им биде одземена концесијата за работа.
Министерот во емисијата „24 Анализа“ на ТВ24 алудираше на рудникот Бучим, кој го прекина своето работење.
- Бучим има исти трошоци како и Саса. Зошто не затвори Саса? Рудниците треба да знаат дека го користат јавното добро на граѓаните како концесија и дека истата може да им биде одземена доколку не работат, рече Бектеши.
Истовремено и Еуроникел (Фени Индустри) не работи поради скапата електрична енергија, а Бектеши вели дека овој капацитет калкулира и чека времиња кога на берзата фероникелот ќе добие висока цена.
Бектеши додаде дека државата нема да им помага на субјекти на слободниот пазар на електрична енергија кои имаат голема акумулирана добивка како што се банките, туку само на компании кои имаат реални трошоци и е загрозен нивниот опстанок.
Можеби ќе ве интересира
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
Колку дозволи издаде Хрватска за македонски работници?
Кои европски земји имаат најниски нивоа на БДП по глава на жител?
Ристески објасни како од 1 јануари ќе ја пресметуваат просечната потрошувачка кошничка
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје
