БЕЛГИСКИ ОВЧАР И ЛАБРАДОР ИМ ПОМАГААТ НА 24 НАШИ ВОЈНИЦИ ВО ИЗВЛЕКУВАЊЕТО - Тимот на АРМ сесрдно работи на спасување во Турција

Добивај вести на Viber

Тимот на Армијата за пребарување и спасување кој вчера во доцните попладневни часови пристигна во Карахкамраш која е една од областите кои се најмногу погодени од катастрофалните земјотреси кои се случија во Турција, во  текот на денешниот ден ги почна активностите за преребарување и извлекување на жртвите, соопштија од Армијата.

„Армискиот тим составен од 24 армиски припадници од составот на баталјонот за специјални сили  и двајца инструктори од командата за обука и доктрини со две службени кучиња заедно со сите вклучени го пребаруваат теренот во градот Кахраманмарас и пожртвувано се ангажираат на пронаоѓање и извлекување на евентуално преживеаните кои се наоѓаат во урнатините.

Армиските припадници на теренот ја искажуваат својата одлучност и обученост професионално да ја извршат задачата и да го употребат целиот свој максимум во пронаоѓање на настраданите и на секој можен начин да помогнат на граѓаните на сојузничка Турција.

Надеж дека во текот на пребарувањето ќе се спасат човечки животи, каде секој момент е драгоцен, даваат и  службени кучиња од расата белгиски овчар и лабрадор, кои заедно со инструкторите се обучени токму за пронаоѓање лица во елементарни непогоди“, се вели во соопштението од Армијата.