Белгискиот град Лиеж добива сопствена валута

Добивај вести на Viber

Од 14 јули во белгискиот град Лиеж ќе биде во оптек нова локална валута „валере“, која ја воведуваат градските власти за да ја поттикнат локалната економија.

Еден валере ќе вреди едно евро, а заинтересираните жители ќе можат да го купат на интернет и со него ќе можат да плаќаат во 20-тина локални продавници. Во оптек ќе бидат банкноти од еден, пет и десет валереа.

Во областа Валонија веќе со во оптек локални монети во три града - ропи во Монс, минуто во Брен и лоренски епи во Витрон. Еден ропи исто така има вредност од едно евро, но се купува за 97 центи, со што корисникот во старт заработува три центи. Сопствениците на продавници кои го прифаќаат, подоцна можат да го разменат за 95 центи.

Идејата заз „солидарни пари“ не е нова, но експлодираше со актуелната криза на еврото. Локалните пари се комплементарно средство за плаќање, кое не ја исклучува единствената европска валута, но е замислено како модерен вид на трампа.

Тој не може да се користи во големите дистрибутивни и трговски центри, како и во мултинационалните компании, а се користи и во ограничени географски рамки. Овој пристап добива се повеќе приврзаници во Европа, но и светот. Го прифатија многубројни градови и региони, па така се смета дека во светски рамки има дури околу 5.000 комплементарни и алтернативни монети.