Берзата со раст на прометот во мај: Кои акции беа најтргувани?
Објавено во: Економија 07 Јуни, 2017
Месец мај Македонска берза го заврши со раст на прометот или 12,26% повеќе од април.
312.263.070 изнесува сумата која ја достигна вкупниот промет на берзата минатиот месец покажуваат статистичките податоци од билтенот.
Топ пет најтргувани акции во мај беа хартиите од вредност на Комерцијална банка Скопје, Македонијатурист и Стопанска банка Скопје, четврти најтргувани акции беа на фармацевтската компанија Алкалоид АД Скопје а петтата позиција ја заземаа акциите на НЛБ банка Скопје.
Со акциите на Комерцијална банка Скопје кои се тргуваа по просечна цена од 2.633,18 денари беа реалириани 168 трансакции со 29,72% учество во прометот .
Хартиите од вредност на Македонијатурист во мај се тргуваа по просечна цена од 3.565,21 денари и тие земаа 14,01% учество во вкупниот промет со 25 реализирани трансакции.
Акциите на Стопанска банка Скопје учествуваа со 13,36% во вкупниот промет а реализирани со хартиите од вредност на оваа банка биле 195 трансакции по просечна цена на акција од 949,55 денари.
Топ три акции кои во мај на берзата забележале најголем пораст се акциите на Топлификација, Сковин Скопје и Унибанка, додека пад е забележан кај акциите на Бетон Скопје, Попова Кула Демир Капија и РЖ Техничка контрола.
Пораст е забележан и кај МБИ10 индексот од 3,88% во однос на месец април.