БИДЕТЕ КРАЈНО ВНИМАТЕЛНИ ОД ДЕНЕСКА ПА ДО КРАЈОТ НА НЕДЕЛАВА - пороен дожд, грмежи и засилен ветер се најновите прогнози
Објавено во: Македонија 11 Август, 2022
Од денес, па се до крајот на оваа седмица бидете крајно внимателни, и тоа поради очекуваната нестабилност на повеќе места низ Македонија, прогнозира метеорологот Славчо Поповски.
Таа ќе биде проследена со пороен дожд, грмежи и засилен ветер. Локално ќе има услови за појава на поизразено невреме, проследено со интензивен пороен дожд кој може да услови локални поплавувања, силен ветер, силни и чести електрични празнења и со појава на град.
Во Скопје и околината исто така се очекува нестабилност, а има услови и за појава на невреме. Температурите ќе бележат тенденција на опаѓање и ќе се искачуваат во интервалот од 22 до 30 степени.
НАПОМЕНА: Сето ова е поради влажната и нестабилна воздушна маса која од запад ќе ја зафати Македонија. Локално ќе наврнат над 40 л/м2 воден талог.