25 Јуни, 2019
0.0188

БИЛА НОВИНАРКА, А СЕГА Е БЛОГЕРКА: Хрватка открива дали може да се заработи од блог

Објавено во: Финансии, Стил 30 Ноември, 2018

Мија Дропуљиќ од Хрватска цели 12 години била во новинарските води, била новинарка, уредник, а лани се впуштила во маркетинг, по што и недостигало пишувањето и решила да направи блог на кој ќе ги обедини пишувањето, патувањето и планинарењето.

Вели дека ова се трите работи кои ги сака, го отворила и почнала да пишува на блогот www.underdreamskies.com.

„Беше вистинско освежување да се пишува и креира без шеф над глава, да пишувам онака како што отсекогаш сакав и за работи кои мене лично ме инспирираат. Инстаграм имам со години, не сум ни сигурна кога го отворив. Тој ми служеше како визуелен дневник, и на него објавував фотографии од патувања и планинарски авантури. Така дознав дека моите пријатели сакаат да дознаат нешто повеќе за моите патувања и авантури. И така се роди блогот кој го гледам како виртуелно место за заљубеници во патувања и авантури“, вели блогерката.

Блогот додава дека треба да инспирира, едуцира, и информира, а освен натписи за своите патувања, има и дел текстови за искуствата на нејзините пријатели.

За блогот вели дека е нејзино хоби, засега не живее од него, но има приходи кои и помагаат да реализира повеќе патувања.

„Не живеам од него, во смисла да ги покривам месечните трошоци, но остварив бројни соработки со многу респектабилни брендови како на пример outdoor brend Fjallraven. Добивав понуди и од брендови кои лично не ги користам и ги одбивав“, додава Дропуљиќ.

Посетила многу земји, ја поминала цела Европа. Летово била и во Македонија, и е воодушевена.

„Искрено никогаш не сум ги броела градовите каде сум била и сум ги посетила, тоа ми се чини како натпреварување и фалење“, вели таа.

Додава дека била во Италија, Холандија, Португалија, Белгија, Австрија, Романија, Турција, а посебно и се допаѓа Њујорк, Јордан, но има желба да ја истражи Азија, почнувајќи од Талјанд, Камбоџа, Лаос, Виетнам. Интересна земја за посета за неа е и Мексико. 

„Сакам патувањето малку да ме „протресе“, да запознам други култури, да размислам за нивниот и мојот начин на живот, да пробам поинакви јадења, да научам историја“, раскажува блогерката. 

Сака идната година да оди на далечно патување, но вели дека ниту една држава или регион не треба да се потценува, а оној кој сака да шета ќе најде убаво место и зад следниот агол. За себе вели дека често поминува време на еднодневни излети во околината на Загреб. 

Сања Атанасовска

Можеби ќе ве интересира

TОЈ Е ТРЕТ НАЈБОГАТ ВО СВЕТОТ: Кој е Французинот чие богатство вреди над 100 милијарди долари

TОЈ Е ТРЕТ НАЈБОГАТ ВО СВЕТОТ: Кој е Французинот чие богатство вреди над 100 милијарди долари

10 ГОДИНИ БИЛА НАСТАВНИЧКА, А ПОТОА ДАЛА ОТКАЗ: Сега само таа е „тешка“ 8 милијарди долари

10 ГОДИНИ БИЛА НАСТАВНИЧКА, А ПОТОА ДАЛА ОТКАЗ: Сега само таа е „тешка“ 8 милијарди долари

Пет македонски банки во Топ-100 во регионот

Пет македонски банки во Топ-100 во регионот

Ова се најдобрите хотели за 2019 година рангирани според TripAdvisor

Ова се најдобрите хотели за 2019 година рангирани според TripAdvisor

СЕ ПРЕСЕЛИЛЕ ВО ЧЕШКИ ГРАД: Сега заработуваат по 4 евра на час

СЕ ПРЕСЕЛИЛЕ ВО ЧЕШКИ ГРАД: Сега заработуваат по 4 евра на час