Битолската печатница „Киро Дадаро“ со зголемен извоз на производите

Добивај вести на Viber

Печатницата „Киро Дандаро“-Битола со ставањето во функција на нова опрема од италијанско производство вредна 1,5 милиони евра, значително го зголеми капацитетот на печатарски услуги и директно го зголеми извозот на своите производи во странство.

Според директорот на АД „Киро Дандаро“-Битола, Драги Милошевски ова одамна не и се случило на таа компанија да регистрира толку голем извоз на своите производи во Србија, Босна и Херецеговина, на Косово и во Албанија.

- Само во овој месец вкупниот извоз ќе биде поголем од 5 милиони евра и тоа за македонски услови е навистина голем податок. Тоа е само извоз, инаку вкупна реализиација ќе биде поголема од еден милион евра. Ние всушност не можеме да престигнеме од работа. Најголем дел од извозот или околу 60 отсто е насочен за Србија, а останатиот дел се Косово, Албанија и Босна и Херецеговина, потенцира Милошевски.

Во најновата инвестиција на печатницата АД „Киро Дандаро“-Битола меѓудругото вклучени се машина флексо во 8 бои која е двојно побрза, врши автоматска замена на влез и излез и овозможува импозантни резултати. Од оваа компанија најавуваат дека наскоро ќе набават и нова рото машина чија вредност се проценува на околу два милиони евра. Со овие инвестиции освен подобрување на ефикасноста на компанијата се придонесува и за енергетска ефикасност, заштита на животната средина и висока култура во деловното работење, истакнуваат од битолската печатница АД „Киро Дандаро“