19 Март, 2024
0.0258

БИЗНИСОТ ВРВИ: Како Мукоски за четири години доби 3,5 милиони евра од ПУИК?

Објавено во: Економија 14 Декември, 2018

Добивај вести на Viber

Еден месец откако Крсто Мукоски излезе од притвор и гласаше за уставните измени фирмата што ја води неговиот брат Бобан од  АДСП доби тендер вреден над 680.000 евра. Од 2015 година до сега ова е четврти тендер од АДСП што го добива фирмата „Атриум“, а нивната вкупна вредност е 3,5 милиони евра

Вевчанската градежно-занатска компанија „Атриум“ четири години по ред добива тендери од акционерското друштво за изградба и стопанисување со станбен и деловен простор од знаење за Републиката или АДСП (поранешен ПУИК).

Официјалните податоци покажуваат дека фирмата „Атриум“ (која ја води Бобан Мукосски, брат на обвинетиот пратеник Крсто Мукоски – човекот што ги отвори вратите на Собранието на 27 април)  од 2015 година до сега добила 3,5 милиони евра за четири тендери од АДСП. Оваа фирма е ДОО (се шпекулира дека косопоственик е и Крсто Мукоски) од Вевчани и од 2015 година до сега добива по еден тендер годишно од АДСП. 

Што сработе „Атриум“ за 3,2 милиони евра?

Во 2015 година „Атриум“ доби тендер за градежни занатски работи за изградба на зграда на АДСП во Кочани (позната како зграда за социјално ранливи семејства). Тендерот „Атриум“ го доби в конкуренција на уште 5 понудувачи. Критериум беше најниска цена, а неговата понуда беше најевтина и доби договор вреден 1,035 милиони евра. Рокот за завршување на работите беше 2 години.

Следната, 2016 година „Атриум“ повторно е партнер на АДСП. Овој пат предмет на бизнис е тековно и инвестициско одржување на објектите на државното претпријатие и тоа во подружниците во Скопје, Куманово, Тетово и Велес. Имало 4 понудувачи, а добил „Атриум“ за 405.000 евра, договорот е со времетраење од една година. Оваа година „Атриум“ од Цветко Грозданов добива уште три договори со вкупна вредност од околу 270.000 евра од кои два се за тековно-инвестициско одржување и еден е за непредвидени работи на објектот во Кочани.

Третата и најголема зделка е лани. Станува збор за градежни работи за изградба на објект на АДСП во Струмица. „Атриум“ добива во конкуренција со уште еден понудувач и тоа за вредност од 1,044 милиони евра. За сето време додека „Атриум“ ги добива овие три договори директор во АДСП е Цветко Грозданов, близок пријател на пратеникот Крсто Мукоски.

И годинава, поточно вчера, нов договор за „Атриум“. Еден месец откако Крсто Мукоски излезе од притвор и гласаше за уставните промени во македонското собрание. Истиот човек кој на 27 април лани ги отвори вратите за да влезе „рајата“ и да го запре изборот на нова влада макар и крваво.

М-р Кристијан Трајковски, актуелниот директор на АДСП, поставен од НСДП, кој блесна со изјавата пред еден месец дека ќе се гради 60 катница спроти „Холидеј Ин“, сега склучи договор со „Атриум“. Вевчанската компанија доби договор вреден 684.200 евра. Предмет на договорот е тековно-инвестициски одржување на објекти во подружниците на АДСП во: Скопје, Битола, Велес, Куманово, Кавадарци, Кочани, Штип, Тетово, Кичево, Охрид, Струга и Прилеп. Од 4 понудувачи „Атриум“ бил најдобар со цена.

 Колку бизниси од државен буџет добил Мукоски?

Освен овие 3,5 милиони евра во 7 тендери од АДСП, „Атриум“ според јавната база податоци достапна на time.mk добил 29 договори од државни институции и органи. Тие се достапни на следниот линк  а нивната вкупна вредност е 1,15 милиони евра. Што значи дека според официјалните податоци фирмата „Атриум“ за 5 години добил тендери вредни 5 милиони евра.

Р.Ф.

Можеби ќе ве интересира

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

ЗЕЈТИНОТ НЕ ГИ „ПОДМАЧКА“ ПРИХОДИТЕ НА „ВИТАМИНКА“, НО ДОБИВКАТА Е ОДЛИЧНА - како прилепската фабрика лани го удвои својот профит

Железницата ги издаде складиштата за дизел во Лисиче

Железницата ги издаде складиштата за дизел во Лисиче

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

ДОБРА ВЕСТ ЗА СИТЕ СО КРЕДИТИ: Се очекува намалување на каматите - издржете уште малку, еве кога ќе се случи тоа

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

СЕ ПОВЕЌЕ ЕНЕРГИЈА ОД ОБНОВЛИВИ ИЗВОРИ, НО НЕ И ОД ХИДРОЦЕНТРАЛИТЕ – еве што покажуваат бројките на статистика

Од што „Македонијатурист“ годинава ќе ги прави големите пари?

Од што „Македонијатурист“ годинава ќе ги прави големите пари?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?