Близок човек на Артан Груби меѓу тепачите во М-НАВ
Објавено во: Македонија 06 Јануари, 2024
Омер Буњаку, навивач на фудбалскиот клуб „Скупи“ и близок човек на првиот вицепремиер Артан Груби, бил меѓу тепачите кои со помош на Беким Незири упаднале во контролата на летови во четвртокот и тепале вработени.
ТВ Алфа, според информации на телевизијата, во вестите тврди дека Буњаку е меѓу оние кои МВР не успеало да ги уапси, односно бил дел од групата која е во бегство.
Меѓу нив е и Ерсел Сали, исто така близок човек на ДУИ, кој засега е недостапен за органите на редот.
Според обвинителството, со нивните постапки овие лица ја загрозиле безбедноста на авиособраќајот, но засега не е одреден притвор за никој од нив.