„Blizoo“ за првиот роденден со нови поволности во Македонија

Добивај вести на Viber

Телекомуникацискиот оператор „Blizoo“ со нови поволни пакети и низа настани денеска го прослави својот прв роденден. Освен подароци за посетителите, за новите корисници кои потпишаа договор на 24 месеци, беше обезбедено 50 отсто попуст за користење на услугите за ТВ, интернет и телефонија. Роденденската понуда предвидува неограничен интернет сообраќај, брзини до 60 Mbps, бесплатна аналогна телевизија и бесплатен wi-fi рутер за новите корисници, како и бесплатни неограничени разговори во мрежата на „blizoo". „Ги намаливме цените и ја зголемивме конурентноста во телекомуникацискиот сегмент. Инвестиравме над 7 милиони евра во надградба на мрежата. Меѓу другото, успеавме да се позиционираме на третото место на листата на најбрзо растечки компании, како и на дваесеттото место на листата на најуспешни компании во Македонија“, истакна главниот извршен директор на „Blizoo“ Кирил Трендафилов. Според Трендафилов,  единствено „Blizoo“, понудил неограничен трансфер на податоци преку интернет со брзините до 60 Mbps, а  најголем бил изборот и на HD канали во Македонија. „ Нашите услуги се подобрени, инсталациите се движат во рамки од 3 до 5 дена, додека техничката поддршка функционира 365 дена во годината. Ноемвриските пакети се само дел од активностите поврзани со првиот роденден на "blizoo", изјави Искра Секуловска, главниот маркетинг директор на „blizoo".