Босански воен злосторник почина од коронавирусот
Објавено во: Балкан, Корона Вирус 15 Септември, 2020
Босански воен злосторник на 75 години почина од Ковид -19 во Бања Лука.
Осудениот воен злосторник и првиот српски член на Претседателството на Босна и Херцеговина (БиХ), Момчило Краишник, ја изгуби битката со вирусот.
Пред две недели е примен во болница поради пневмонија.
Заедно со Радован Караџиќ, тој е еден од основачите на Српската демократска партија и прв претседател на тогашното Собрание на српскиот народ на БиХ, кое подоцна стана Национално собрание на Република Српска.
По Дејтонскиот договор и формирањето на тричленото претседателство на БиХ, Краишник стана првиот претставник на Србите во тоа тело.
Во април 2000 година е уапсен и изведен пред Меѓународниот кривичен трибунал за поранешна Југославија во Хаг, каде што му се судеше за воени злосторства.
Во првостепената постапка е осуден на 27 години затвор, а во апелационата постапка казната му е намалена на 20 години.
Краишник е одговорен за злосторства против човештвото - убиства, истребување, политички, расни и верски прогони, депортации и присилно преместување на босански муслимани и Хрвати на пошироко подрачје во БиХ.
Откако издржа две третини од казната, тој е ослободен од затвор во Велика Британија. Откако се врати во Република Српска, народот го дочека како херој.
По враќањето во Босна и Херцеговина, тој се вклучи во општествениот живот преку создавањето на организацијата Создавачи на Република Српска.
Краишник е роден и пораснал во Сараево, каде што магистрирал економија.Во Босна и Херцеговина во последните 24 часа забележани се 293 новозаболени од коронавирус од кои во Федерацијата 235, во Република Српска 57 и еден до Брчко.
Можеби ќе ве интересира
ПИЛИ, НОЖЕВИ, ЛОПАТИ... Од куќата на убиецот Данка Илиќ одземени се десетици предмети: Сите испратени на вештачење, а ова е детален список за тоа што зела полицијата
НА ПАЗАРИТЕ ВО СОСЕДСТВОТО ОТКРИЕНА ЛАЖНА „ПЛАЗМА“: Разбиен огромен синџир на продажба на фалсификувани производи
РЕЗОЛУЦИЈАТА ЗА СРЕБРЕНИЦА ГО „ТРЕСЕ“ БАЛКАНОТ - наместо да го помири регионот како што предлагаа клучни спонзори од Западот
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
СРБИН МОЛИ ПУТИН ДА МУ ПОМОГНЕ: Се борел во Украина, а не добил руско државјанство
УПАТЕНИ НА ПСИХИЈАТАР ВО БЕЛГРАД: Убијците на Данка одат на вештачење
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
Вучиќ им се извини на Словенците по изјавата дека се „одвратни“, но не и на нивните политичари
МАЈКАТА НА ДАЛИБОР ДРАГИЈЕВИЌ: Не се сомневам дека ќе се дознае кој го убил мојот син
