„БРИТИШ ПЕТРОЛЕУМ“ ПОТВРДИ: Имаме технички проблеми на гасоводот во Азербејџан

Добивај вести на Viber

Британската компанија „Бритиш Петролеум“ (БП) потврди дека се соочува со проблеми и објави дека веќе се работи на решавање на техничките проблеми на платформата Шах Дениз Алфа (СДА) во Азербејџан и се надева дека ќе продолжи со нормална работа на платформата што е можно поскоро, соопшти компанијата.

БП претходно во петокот го прекина производството на платформата во Каспиското Море поради технички проблем, нагласувајќи дека техничкиот проблем на подморскиот гасовод не предизвикал еколошка штета и не ја загрозил безбедноста на платформата и гасоводот.

Филијалата на Бритиш Петролеум (БП) во Азербејџан на 10 јануари објави дека ја прекина работата на својата платформа Шах Дениз Алфа, откако беше откриен технички проблем на подводните цевки што се користат за транспорт на гасен кондензат помеѓу платформата и терминалот Сангачал.

Потврдувајќи дека техничкиот дефект во подводната инфраструктура не предизвикал еколошка штета или ја загрозил безбедноста на платформата и цевките, компанијата подвлече дека платформата, нејзиниот персонал и придружните објекти се целосно безбедни.

БП, исто така, потврди дека работи на решавање на проблемот и се обидува да продолжи со нормална работа што е можно поскоро.

Претседателот на Србија, Александар Вучиќ, потврди дека Азербејџан ја известил Србија за прекин на дневната испорака на гас од 1,7 милиони кубни метри поради технички проблеми. Денеска, пак, рече дека испораките на гас допрва ќе се одвиваат.

- Извештаите за двомесечен прекин на испораките на гас од Азербејџан за Србија се неточни. Иако протокот на гас е привремено намален поради технички проблем на едната платформа, другата платформа, „Шах Дениз Браво“, останува целосно оперативна, обезбедувајќи континуитет на извозот. Снабдувањето се очекува да продолжи многу наскоро, објави Анжуз, повикувајќи се на неименувани извори, пренесуваат медиумите од соседството.

Сместено во азербејџанскиот сектор на Каспиското Море, Шах Дениз е едно од најголемите полиња за гас и кондензат во светот, откриено во 1999 година.

Резервите на полето се проценуваат на трилион кубни метри гас и 243 милиони тони кондензат. Развиена во две фази, Фазата 1 на Шах Дениз (SD1) вклучува дупчење 11 бунари, изградба на платформи, терминалот Сангачал и 692 километри од гасоводот Јужен Кавказ до Турција.

Гасот произведен во Шах Дениз се транспортира преку подводни цевководи до терминалот Сангачал, 55 километри јужно од Баку на брегот на Каспиското Море.

Целосниот развој на оваа платформа се смета за еден од најголемите и најкомплексните гасни проекти.

SD2 додаде 16 милијарди кубни метри гас и 105.000 барели кондензат на годишниот капацитет на SD1 од 11 милијарди кубни метри гас и 60.000 барели кондензат. Конзорциумот Шах Дениз потпиша договори со девет европски компании во септември 2013 година, а конечната одлука за инвестирање дојде во декември 2013 година.

Првиот комерцијален гас беше извезен во Турција на 30 јуни 2018 година, а потоа во Европа на 31 декември 2020 година. Сопственичката структура на полето вклучува БП (оператор, 30 отсто), Лукоил (20 отсто), ТПАО (19 отсто) , SGC (16 проценти), ирански NICO (10 проценти) и унгарски MVM (пет проценти).

Фото: Принтскрин/Твитер