Бројот на работници во индустријата, во првото полугодие, пораснал за 0,6%

Добивај вести на Viber

Раст на бројот на работници во индустријата во јуни годинава во однос на јуни лани, се забележува во податоците на Заводот за статистика. Имено, бројот на работници во индустријата во јуни бележи раст од 0,5 проценти, а во првото полугодие, споредено со истиот период лани, има пораст од 0,6 проценти. Бројот на работниците во секторот Рударство и вадење камен во јуни 2013 година, во однос на јуни 2012 година, бележи пораст од 8,4 проценти, во секторот Преработувачка индустрија бележи опаѓање од 0,3 отсто, а во секторот Снабдување со електрична енергија, гас, пареа и климатизација пораст од 2,1 отсто. Според главните индустриски групи, бројот на работниците во индустријата во јуни 2013 година, во однос на јуни 2012 година, бележи пораст кај Енергија за 7,9 отсто, Tрајни производи за широка потрошувачка за 0,4 отсто и Нетрајни производи за широка потрошувачка за 0,8 отсто, додека опаѓање бележи кај Интермедијарни производи, освен енергија за 1,9 отсто и Капитални производи за 6 проценти.