Бугарија и Македонија денес го потпишуваат Договорот за добрососедство
Објавено во: Македонија 01 Август, 2017
Премиерот на соседна Бугарија Бојко Борисов и неговиот македонски колега, премиерот Зоран Заев ќе го потпишат денеска во Скопје долгоочекуваниот Договор за пријателство, добрососедство и соработка. Потпишувањето на документот треба да се претвори во основа за трајно и одржливо градење на пријателски и добрососедски односи меѓу Бугарија и Македонија.
Потпишувањето на договорот се чека речиси две децении и тоа стана возможно по промената на власта во земјава. Бојко Борисов ќе биде во официјална посета на Република Македонија на 1 и 2 август. Посетата е продолжение на договореното постигнато при посетата на премиерот Зоран Заев во Софија на 20 јуни оваа година. И е израз на желбата и политичката волја на двете страни за изградба на откриени, добрососедски односи засновани на европските вредности и заемно почитување.
Договорот треба да придонесе за зајакнување на соработката во билатерален и мултилатерален план за проширување на транспортните врски и комуникации, за олеснување на контактите меѓу граѓаните на двете земји.
На официјалната церемонија ќе бидат потпишани исто така Меморандум за разбирање помеѓу Министерството за транспорт, информатичка технологија и комуникации на Република Бугарија и Министерството за транспорт и врски на Република Македонија за развој на железничките врски меѓу Софија и Скопје и Меморандум за соработка во областа на природниот гас. Првиот документ содржи посветеност на двете страни во согласност со своите државни енергетски политики и заедничката енергетска политика на ЕУ и Енергетската заедница да соработуваат за истражување на можностите за развој на нова директна врска меѓу гасните системи. За таа цел ќе биде формирана заедничка гасна работна група која ќе подготви однапред техничко-економска студија за изградба на гасната врска.
Со вториот документ бугарската страна презема обврска за да се комплетира железничката врска по правецот Софија - Перник - Радомир - македонска граница до 2027 година Република Македонија, од своја страна, се обврзува да изгради железнички правец Крива Паланка - Деве Баир - бугарска граница до крајот на 2025 година.
По повод одбележувањето на 114-годишнината од избувнувањето на Илинденското востание, на 2 август премиерите Бојко Борисов и Зоран Заев ќе учествуваат во церемонијата на положување на венци пред гробот на Гоце Делчев во црквата "Св. Спас".
При посетата на Република Македонија премиерот на Бугарија Борисов ќе биде придружуван од заменик премиерите Екатерина Захариева и Красимир Каракачанов, како и министрите Ивајло Московски и Темјанушка Петкова, кои ќе одржат билатерални средби со своите колеги од Владата на Република Македонија.
Во официјалната бугарска делегација се исто амбасадорот во Скопје, Иван Петков, пратеникот во Европскиот парламент Андреј Ковачев, претседателот на Комисијата за надворешна политика во Собранието Џема Грозданов, претседателот на парламентарната група за пријателство Бугарија - Република Македонија Борис Вангелов, народниот претставник Станислав Станилов, началникот на политичкиот кабинет на претседателот на Република Бугарија Иво Христов и началникот на политичкиот кабинет на премиерот Румјана Бочварова.
Можеби ќе ве интересира
СЕ ОГЛАСИ И АМЕРИКАНСКАТА АМБАСАДА: „Ќе продолжиме да ја зајакнуваме важноста на почитувањето на меѓународните договори“
Поранешниот директор на ПИОМ со уште една пријава, плаќал кирија за сестра му
СЕ ОГЛАСИ КАБИНЕТОТ: Претседателката има право да го употребува името Македонија како чин на лично право, свечената заклетва беше потпишана со уставното име
„ЦЕЛ ЖИВОТ СЕ ГРИЖЕЛА ЗА ПАЦИЕНТИ, СЕГА НЕА И Е ПОТРЕБНА ГРИЖА“: По доживеан мозочен удар, на докторка од Охрид и требаат пари за лекување
Лога: Силјановска Давкова да ја повтори заклетвата како Барак Обама
ЧОМОВСКИ ЗА НАСТАПОТ НА ДАВКОВА: Треба да ги респектира не само тие 560 илјади граѓани кои гласале за неа, туку и тие 1.450 илјади кои не гласале
АКТУЕЛНО МЕТЕО ПРЕДУПРЕДУВАЊЕ: Следува многу нестабилно време со чести врнежи и грмежи – Можно е невреме, додека температурите ќе бидат под просекот за средината на Мај
ИНТЕРВЈУ ВЕЛКОВСКА: Претставување на Интерсекцијата помеѓу Искуството на клиентите (CX) и Искуството на Вработените (EX) на претстојната Конференција “FIRESTARTER 24”!
„ОВА НЕ Е МОЈАТА ЕВРОПА, И САМИТЕ ШВАЈЦАРЦИ СЕ ЗГРОЗЕНИ ОД СВОЈОТ ПРЕТСТАВНИК“ - професорот Трајко Славески многу се разочара од Евровизија
