Бугарите на протест, претседателот бара предвремени избори

Добивај вести на Viber

Бугарскиот претседател Росен Плевнелиев изјави дека единствен излез од политичката криза во земјата е распишување нови предвремени избори. Сепак овој предлогот на Плевнелиев бил отфрлен од  владејачката коалиција, со порака дека со такви изјави претседателот го игнорира изборот  што бугарскиот народ го направил на изборите од пред два месеца. „Да им се каже на луѓето дека нови предвремени избори се опасно сценарио е исто како да им се каже дека демократијата е опасна. Зарем ништо не научивме од историјата на нашите соседи. Играњето со оган може да биде опасно“,  рекол бугарскиот претседател во телевизиското обраќање. На 22-риот ден од протестите во центарот на Софија, каде десетици илјади граѓани бараат оставка од владата на Орешарски, Плевнелиев порачал дека е против политичари кои игнорираат протести. Тој најави дека ќе започне нови консултации за најдобрите мерки за надминување на кризата. Во последните недели имал консултации - со политичките партии, со претставници на различни организации, со блогери и граѓани. „Многупати сме биле сведоци за поделба на бугарските граѓани и општеството. Тие секогаш досега се свртуваат против луѓето кои се обидуваат да го направат. Играат на карта на етничката поделеност што е  директно опасно за земјата“, коментира Плевнелиев. „Големо прашање е туморот кој ја инфицирал бугарската демократија. Луѓето протестираат и велат„мафија ",„ монополи ",„да си вратиме државата на граѓаните ". Најважната национална цел е да се ослободиме, да се оперира овој тумор, да се воспостави здрава бугарската демократија. Отсуството на дебата за оваа тема е монструозна. Несогласување меѓу зборовите и делата на политичарите исто така“, изјави Плевнелиев. Антивладините протести во Бугарија траат повеќе од три седмици.