22 Септември, 2020
0.0408

БУГАРСКО ОБВИНИТЕЛСТВО - отпадот не бил опасен, но имало железо, хартија и текстил

Објавено во: Македонија 20 Јануари, 2020

Нема радиоактивен или токсичен отпад во откриените 20 контејнери на бугарското пристаниште кои носат отпад од Италија. 

Ова како што јавува бугарскиот медиум 24 часа денеска било соопштено на брифинг од окружниот обвинител на Бургас, Георги Чинев.

Тој дополнил дека единствено има несогласување меѓу декларираниот и установениот отпад. Според документите, во контењерите требало да има пластика и каучук, но при проверката, биле откриени уште и железо, хартија и текстил.

Фактор денеска комуницираше со Баже Игнатов, кој заедно со директорот на депонијата „Дрисла“ имаат по 15 отсто во сопственичката структура во компанијата „Блацион“, кој ни посочи на информацијата дека бугарското обвинителство констатирало оти нема опасен отпад во контењерите.

Претходно, медиумите во земјава ги пренесоа пишувањата на бугарските медиуми, дека формата „Блацион“ „извршила увоз на 25 контејнери опасен отпад од Италија“. Беше наведено дека „бугарското Обвинителство веќе отворило истрага за незаконскиот увоз на отпадот од Италија“.

Игнатов денеска ни изјави дека ништо од овие наводи не е точно, и дека воопшто не станува збор за никаков опасен отпад.

Затоа тој најави дека денеска веќе се консултира со адвокат, и дека ќе има кривични пријави за дел од медиумите во земјава кои објавија дека негова компанија увезувала опасен отпад од Италија. 

„Нема вистина во тоа, нема ни опасен отпад, а тоа го потврди денеска и бугарското обвинителство. Медиумите треба прво да проверат, пред да пишуваат“, рече Игнатов. 

Инаку, тој тврди дека не е производител, па за да знае точно што имало во отпадот кој се увезувал. 

Фактор денеска се обиде да стапи во контакт и со директорот на депонијата Дрисла, Горан Ангелов, но не успеавме да го добиеме се до подготовката на овој текст. 

Инаку, бугарското обвинителство ја отвори истрагата и соопшти дека содржината на отпадот на пристаништето Бургас се разликува од она што е декларирано на царинскиот документ. Отпадот бил транспортиран со брод на 5 септември лани, и му бил определен режим на времено складирање во рок од 90 дена. Откако сопственикот не реагирал на предупредувањето на Царинската управа, бидејќи бил истечен дадениот рок, Обвинителството започнало истрага. 

фото 24 часа

Н.Н.Ф.

Можеби ќе ве интересира

Јанушев се повлекува, а Мицкоски кажа дека има полн легитимитет за водење на партијата

Јанушев се повлекува, а Мицкоски кажа дека има полн легитимитет за водење на партијата

Љупчо Палевски кажа кој наредил да го претепаат

Љупчо Палевски кажа кој наредил да го претепаат

Ќе се прави постмортен тест за украдениот пациент од Струмица

Ќе се прави постмортен тест за украдениот пациент од Струмица

Одбиен е предлогот на Мицкоски за вонреден конгрес

Одбиен е предлогот на Мицкоски за вонреден конгрес

РОДНИНА НА ПОЧИНАТО БЕБЕ БУРНО РЕАГИРАЛ: Спречен нов инцидент во струмичката болница

РОДНИНА НА ПОЧИНАТО БЕБЕ БУРНО РЕАГИРАЛ: Спречен нов инцидент во струмичката болница

ФАКТОР НА ДЕНОТ: Украден мртовец во Струмица, а младо моче почина од коронавирусот

ФАКТОР НА ДЕНОТ: Украден мртовец во Струмица, а младо моче почина од коронавирусот

ЗА ИНЦИДЕНТОТ ВО СТРУМИЦА: Дваесетина луѓе го однеле мртовецот сосе креветот

ЗА ИНЦИДЕНТОТ ВО СТРУМИЦА: Дваесетина луѓе го однеле мртовецот сосе креветот

Еве како изгледа пешачката зона покрај Вардар денес

Еве како изгледа пешачката зона покрај Вардар денес

ЦРН БИЛАНС: Досега 700 граѓани починаа од коронавирусот

ЦРН БИЛАНС: Досега 700 граѓани починаа од коронавирусот