Бујар Османи е разочаран од Арбен Таравари - место сонот за Албанец премиер, вие ширите омраза за КОВИД-19
Објавено во: Македонија 07 Јуни, 2020
Вицепремиерот Бујар Османи е многу разочаран од гостиварскиот градоначалник Арбен Таравари, зошто денеска зборуваше за лошата состојба со КОВИД-19 во земјава, во услови кога Албанците требало да се обединат за заедничкиот сон, а тоа е во земјава да се избере за премиер етнички Албанец.
„Многу сум разочаран од реакцијата на Таравар во име на неговата партија. На ден кога ги повикавме сите албански партии да се приклучат и да остварат заеднички сон, оваа партија одлучува да промовира омраза и страв, користејќи не помалку од КОВИД-19, најлошата глобална пандемија во минатиот век, со цел за политички напад, исто како да посакаат Албанците да се заразат ако не гласаат за нив. Тешко, срамота, сите Албанци се изненадени од вашиот морален компас“, напиша на фејсбук Бујар Османи.
Но, тој додава, дек граѓаните биле попаметни од тоа. „Луѓето се попаметни од тоа. Тие ќе гласаат за негирање на споделувањето и омразата и ќе гласаат за ДУИ, за заедничката визија и цели. Да не се подметнува омраза и нарушувања, време е да се обединиме за стратешките цели“, пишува вицепремиерот.
Денеска, пак, Таравари во Утрински брифинг на Слободен печат рече дека состојбата со коронавирусот во земјава е загрижувачка, веќе имаме втор бран, а во Владата постои комплетен раздор.
„Ние сме веќе во втор бран. Ако ги анализирате бројките сите држави во регионот заедно имаат помал број на инфицирани отколку кај нас. Исто е и со морталитетот. Состојбата е многу загрижувачка и многу сериозно треба да му се пријде на проблемот и да се остават сите партиски обојувања. Во Владата имаме комплетен раздор, како да не е Влада, министерствата како да се како канцеларии на одредени политички партии. И ова e жалосно. Проблемот е навистина сериозен и треба заеднички конструктивно да најдеме решение“, рече Таравари.
Околу датумот за избори, Таравари смета дека и при минимални услови за избори, тие треба да се оддржат. Дилемата е дали на 5.07 или 26.07. Но, Владата е комплетно расштиман оркестар, не се знае ништо, смета тој.
„ДУИ продава магла, ВМРО не ги казнува граѓаните, СДСМ е на терен и дели рекламен материјал (маски). На Македонија и треба политичка влада. што поскоро тоа подобро. Но, ако вака продолжат вака бројките и нема услови за организирање на избори, тогаш со легс специјалис нека седнат правниците и нека го вратат парламентот,“ вели гостиварскиот градоначалник.