ЦЕЛА НОЌ СОБРАНИСКА СЕАНСА ЗА ГАМА - опозицијата дебатираше, власта не собра доволно гласови
Објавено во: Македонија 26 Декември, 2020
Пратениците цела ноќ дебтираа околу предлог-законот за решавање на спорот меѓу Владата и Макпетрол околу заедничкото друштво за природен гас ГА-МА.
Расправата заврши пред околу еден час, без гласање, откако парламентарното мнозинство не собра доволно пратеници за тоа.
Инаку, со неколку паузи, оваа расправа почна вчера и траеше непрекинато цел ноќ се до раните утрински часови. Иако беа исцрпени сите 39 дискутанти од опозицијата, сепак, законот не беше изгласан бидејќи не беа присутни доволен број на пратеници од мнозинството.
„21 час непрекината битка во Собрание. Власта не успеа да го изгласа спорниот законот за преценета продажба на ГА-МА. Ќе се обидат пак деновиве, но оваа битка во текот на два дена, две ноќи и едно утро покажа дека против ВМРО-ДПМНЕ власта не може“, напиша на фејсбук потпретседателот на ДПМНЕ и пратеник Александар Николоски.
Инаку, како што е познато, опозицијата се спротивставува на носењето на законот со кој Владата треба да му исплати над 30 милиони евра на Макпетрол, со што практично државата ќе стане целосен сопственик на ГА-МА.
Ова тој го кажа во вчерашното гостување во „Само интервју“ на Канал 5. „Во моментов во Собранието се блокирани законите за енергетска ефикасност, за земјоделските кредити кои што треба да влезат во трите откупни центри во државата и слично, што е надвор од рационалното. Но, ова што го слушнав што се разговара за гасоводот, тоа е надвор од здравиот памет“, рече Заев.