Цената на рускиот гас за Украина нема да биде променета до 2019 година

Добивај вести на Viber

Цената на рускиот гас за Украина нема да биде променета до 2019 година , објави во телевизиско интервју украинскиот вицепремиер Јуриј Бојко . Тој додаде дека договореното во Москва симнување на цената на синото гориво ги елиминирало и спорните гасни прашања меѓу Украина и Русија . Русија и Украина во вторникот потпишаа серија договори кои практично ја зафатија украинската економија со евтин природен гас и милијарди долари кредит , кои на земјата и беа очајно потребни за да избегне прекин на исплати на надворешниот долг. Рускиот претседател Владимир Путин ја објави веста , истакнувајќи дека тоа е помош за помагање на Украина во најтешките времиња и дека со неговиот гостин - украинскиот претседател Виктор Јанукович , не разговарале ништо евентуално за присоединување на земјата кон царинската унија Русија - Белорусија - Казахстан . Клучниот договор е меѓу "Гаспром " и украинскиот "Нафтогас" - според анекс на договорот од 2009г. рускиот гас за Украина веќе ќе чини 33 отсто помалку - 268 долари за 1000 кубни метри при 406 долари во моментов . По разговорите на државните делегации во Москва претседателот на Русија Владимир Путин соопшти дека намалувањето на цената на природниот гас за околу една третина е привремена мерка , но не даде повеќе детали . Денес Јуриј Бојко рече дека Украина ќе ги продолжи преговорите со Меѓународниот монетарен фонд за продолжување на кредитирање на земјата. Според него , Владата ќе работи со Фондот , иако не може да прифати некои негови услови неопходни за продолжување на финансирањето . Во петокот премиерот на Украина Микола Азаров рече дека по договорот за кредит од Русија од 15 милијарди долари , Киев нема потреба да се свртува кон Меѓународниот монетарен фонд.