ЦЕНИТЕ НА ХРАНАТА НА СВЕТСКИОТ ПАЗАР ПАЃААТ ШЕСТИ МЕСЕЦ ПО РЕД, растителното масло поевтини за 6,6 отсто
Објавено во: Економија, Агробизнис 07 Октомври, 2022 13:16
Цените на храната паднаа во септември шести месец по ред, како одраз на пониските цени на растителното масло што го засени растот на цените на житариците, објави агенцијата за земјоделство на Обединетите нации - ФАО.
Кошничкиот индекс на цените на основните прехранбени производи на ФАО падна во септември за 1,1 отсто во однос на ревидираната вредност во август, на 136,3 поени.
Неговата вредност паѓа од март, кога достигна рекордно високо ниво од 159,7 поени, но сепак е за 5,5 отсто повисока од истиот месец лани.
Цените на растителното масло паднаа најмногу во септември, за 6,6 отсто во однос на август, што се лизна на најниското ниво од февруари минатата година благодарение на зголемената понуда и пониските цени на суровата нафта.
Шеќерот, млекото и млечните производи и месото беа нешто помалку од еден процент поевтини отколку во август, откри ФАО.
Слабеењето на еврото во однос на доларот и мрачната економска перспектива влијаеше врз цените на млекото и млечните производи, додека месото и шеќерот паднаа благодарение на зголемените залихи на говедско месо од Бразил и добрите изгледи за родот на шеќерна трска во оваа јужноамериканска земја.
Септември донесе повисоки цени само на житариците, за 1,5 отсто во однос на август. Цените на пченицата се зголемија за 2,2 отсто поради сушата во Аргентина и САД, силниот извоз од ЕУ и зголемената неизвесност околу пристапот на Украина до пристаништата на Црното Море од декември.
Поскапе и оризот, за 2,2 отсто, делумно поради загриженоста предизвикана од големите поплави во Пакистан.
Во одделни проценки за понудата и побарувачката на житни култури, ФАО малку ја намали својата прогноза за глобалното производство на житни култури оваа година на 2,768 милијарди тони, што би претставувало пад од 1,7 отсто во споредба со минатата година.
Производството треба да биде помало оваа година пред се поради послабите перспективи за житарици кои се користат во исхраната на луѓето и животните, како што е пченката, бидејќи неповолните временски услови би можеле да му наштетат на приносот во големиот производител на САД, објаснуваат од ФАО.
Прогнозата за производство на пченица беше зголемена на рекордни 787,2 милиони тони, што би претставувало зголемување од еден процент во споредба со минатата година, благодарение на подобрата жетва од очекуваната во ЕУ и Русија.
Светската потрошувачка на жито треба во сезоната 2022/2023 да го надмине производството и да достигне 2,784 милијарди тони, што би значело дека глобалните залихи до крајот на сезоната треба да паднат за 1,6 отсто во однос на нејзиниот почеток, на 848 милиони тони.
Трговијата со жита се очекува да има намалување за 2,4 отсто поради последиците од војната во Украина и силниот долар, прогнозира агенцијата на ОН.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
Германската Heidelberg Postpress бара стабилната деловна средина и квалификувани работници - ТИРЗ Скопје и Штип меѓу потенцијалните локации
Инженери на РМ: ВМРО-ДПМНЕ да ја повлече наплатата од 200 денари за пристап до мрежа, како што вети
