Цените на недвижностите во ЕУ постојано растат: Во оваа земја е забележан раст од 277 проценти

Добивај вести на Viber

Цените и кириите на недвижностите во Европската Унија(ЕУ) продолжија да растат во вториот квартал од 2025 година, според објавените податоци на Евростат. Како што е наведено, цените на недвижностите се зголемија за 5,4 проценти во споредба со истиот период во 2024 година, додека кириите се зголемија за 3,2 проценти.

Во споредба со првиот квартал од 2025 година, цените на куќите се зголемија за 1,6 проценти, а кириите за 0,7 проценти, што укажува на континуиран стабилен раст на пазарот на недвижности низ цела ЕУ.

Од 2010 година до денес, цените на куќите во ЕУ се зголемија за вкупно 60,5 проценти, додека кириите се зголемија за 28,8 проценти.

Сепак, патот на раст беше различен, кириите бележат постепен и стабилен раст, додека цените на становите покажаа значително поголеми осцилации, прво силен раст од 2015 до 2022 година, потоа пократок период на стагнација, а потоа обновен тренд на раст од 2024 година.

Највисок раст на цените на станбените недвижности во периодот од 2010 до 2025 година е забележан во Унгарија за 277 проценти и Естонија за 250 проценти, а цените се дуплираа или повеќе во десет други земји-членки, Литванија, Латвија, Чешка, Португалија, Бугарија, Австрија, Луксембург, Полска, Словачка и Хрватска.

Италија е единствената земја во која цените на станбените недвижности се намалија во тој период за еден процент, според веб-страницата на Евростат.

foto Wikipedia/Visions of Domino