Добивај вести на Viber
Иако во демократските општества, речиси и да не постојат разлики меѓу мажите и жените, особено на професионален план, сепак, се уште е голем бројот на занимања во некои држави каде за иста работа машкиот пол е повеќе платен од женскиот. Таков е случајот во Чешка.
Како што јави дописникот на МИА од Прага, Чешкиот статистички завод (ЧСУ) ја следи разликата на платите кај жените и мажите уште од 2006 година.
Податоците од пред седум години, покажуваат дека просечниот личен доход кај мажите во просек изнесувал 665 евра, односно биле поплатени од нивните колешки и тоа за околу 130 евра.
За време на вториот квартал од 2013 година, сооред ЧСУ, платата на мажите пораснала на 913 евра, додека жените земале месечна плата во висина од 755 евра.