Честитка од Мицкоски по повод католички Велигден
Објавено во: Македонија 31 Март, 2018
Претседателот на опозициската партија ВМРО-ДПМНЕ, Христијан Мицкоски, им го честита христијанскиот празник Воскресение христово – Велигден на верниците од католичка вероисповед во РМ.
Тој испати честитка до Скопскиот бискуп и Апостолски егзарх во Македонија,
Д-р Киро Стојанов и до сите верници од католичка вероисповед во Република
Македонија.
„Ми претставува особено задоволство и чест, во свое лично име и во име на
ВМРО-ДПМНЕ, Вам и на сите верници од католичка вероисповед во Република
Македонија, да Ви го честитам големиот христијански празник – Велигден.
На најсветлиот и најголемиот христијански празник да Ви посакам мигови на радост, спокој и љубов во секој дом. На денот кога ја славиме победата на животот над смртта да се потсетиме дека само со верба во себе и почит кон другите, ќе успееме да се избориме со сите предизвици и да изградиме просперитетна иднина на нашата држава.
Велигден ни дава голема радост и надеж, не поттикнува да ги надминеме поделбите, да создаваме добри дела и да се почитуваме еден со друг. Само сложни и обединети во овие празнични денови можеме да се избориме за подобра иднина и успех на сите нас.
Воскресението Христово е празник на семејството и ближните и затоа ви посакувам да го минете во мир, здравје и хармонија. Нека е за многу години големиот празник!“ стои во официјалната честитка од лидерот на опозициската партија, Христијан Мицкоски