ЧОВЕЧКАТА ХУМАНОСТ ПРОДОЛЖУВА: Семејство на починат пациент ќе донира бубрези за млади пациенти кои се на дијализа

Добивај вести на Viber

Двајца млади пациенти на дијализа ќе добијат бубрези од починат донор чие семејство вчера попладне даде согласност за да ги донира органите. Дополнително, во наредните денови ќе следуваат трансплантации на коскени ткива кај пацинети кои се лекуваат на Клиниката за ортопедија.Националниот координатот, д-р Маја Мојсова Мијовска,  болничките координатори, заедно со екипите од  Клиниката за неврохирургија, КАРИЛ, Рендген иститутот, Клиниката за трансфузиологија, Клиниката за нефрологија, Клиниката за кардиологија и хируршките клиники за урологија и ортопедија, викендов успешно ја прават третата по ред трансплантација од почетокот на годинава, соопшти попладнево Министерството за здравство.

Оттаму зе забалгодарија на семејството кое и во најтешките моменти на загуба на свој сакан, го продолжува животот на двајца млади луѓе.

-Благодарност до семејството на пациентката, особено до нејзината млада храбра ќерка чија храброст, хуманост и добрина ни донесоа ден полн надеж и живот за најмалку двајца пациенти.Уште еднаш големо сочувство за нивната загуба и благодарност за нивната хуманост, се наведува во соопштението.