Црвенковски не ги коментира наводите на Верушевски
Објавено во: Македонија 24 Септември, 2019 10:59
Поранешниот лидер на Социјалдемократскиот сојуз и поранешен шеф на државава, Бранко Црвенковски, не сака да ги коментира наводите на Зоран Верушевски дека бомбите прво биле носени во партијата, по што екс разузнавачот ги анализирал како надлежен за безбедносната политика, но за нивната судбина одлучувале лидерите на СДСМ. Всушност, според сведочењето на Верушевски, нелегално стекнатите материјали биле донесени во тогаш опозициската партија уште во 2010 година, кога на нејзиното кормило беше Црвенковски, а неговиот наследник Зоран Заев реши да ги објави пет години подоцна.
Фактор постави прашање до кабинетот на Црвенковски дали е точно дека бомбите пристигнале во СДСМ уште во 2010 година, кој се имал увид во овие материјали, и зошто не биле порано презентирани на јавноста, а од таму добивме одговор дека поранешниот претседател ќе се воздржи од одговор на оваа дилема.
„Поранешниот претседател Бранко Црвенковски останува на ставот да не дава изјави за медиумите на која било тема, вклучително и на оваа“, одговорија кусо за Фактор од кабинетот на Црвенковски.
Исказот на поранешниот разузнавач кој вчера сведочеше за случајот на СЈО Таргет- Тврдина, всушност, во некои делови не коинцидира со сведочењата на свиркачите Ѓорѓи Лазаревски и Ѕвонко Костовски. Додека Верушевски тврди дека Лазаревски ја носел документацијата во СДСМ, Лазаревски во ноември лани рече дека откако ги ваделе разгвоворите му ги давале на Верушевски.
„За една – две недели ние го разработивме системот за вадење. Првпат Ѕвонко екпортираше прислушувани разговори на крајот на 2010 година, исклучиво СМС пораки на двд. Сѐ беше праќано кај мене. Потоа му ги давав на Верушевски. Ги копирав на екстерен криптиран диск, го пополнував хронолошки како стигаше материјал и го чував кај мене три години.Тој диск Ѕвонко ми го даде во ходниците на МВР. Го земав и го пикнав в џеб. Ако ме прашаше некој што имам, планирав да го пукнам, скршам. Но, во сите тие изнесувања, никој не ме праша”, рече Лазаревски во судот, минатата година.
Верушевски вчера на некаков начин ова го негираше.
„Ѓорѓи Лазаревски беше едно од лицата кои донесуваа документи до партијата. Тоа лице ги доставило материјалите пред моето враќање од Италија во Македонија и продолжи во 2014 година", рече Верушевски на рочиштето.
Верушевски сведочеше дека како надлежен за безбедносната политика во СДСМ ги анализирал материјалите.
Р.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
СУДЕЊЕТО ПОЧНА СО ОДБРАНАТА НА ШАБАН САЛИУ: Продолжува судењето за пожсрот во „Пулс“ во Кочани
ВМРО-ДПМНЕ: СДСМ бара внимание со невистини, мигранти нема да има
Жерновски: Mигрантите ќе се движат слободно низ државата
ПОВТОРНО БЛОКАДА ВО ГРЦИЈА: Еве кој период ќе бидат затворени граничните премини
Кацарска: Кој го намести Мицкоски за изјавите за пензиите?
Денеска продолжува судењето за пожарот во „Пулс“ во Кочани
ВО МИНАТОТО МАКЕДОНСКОТО ДОМАЌИНСТВО ВО ПРОСЕК БРОЕЛО 5, А ДЕНЕС 3 ЧЛЕНА: Ова е податок што треба да нѐ загрижува
„ИНАКУ, 20.000 ФУНТИ СЕ ОКОЛУ 2.000 ПРЕКРШОЦИ ОД ПО 51 КИЛОМЕТАР НА ЧАС“: Макрадули вели, наместо мигранти, да се намали брзината за казни на 25/26
„ВРЕМЕ Е БУГАРИТЕ ДА СЕ ВНЕСАТ ВО УСТАВОТ“: Најчевска вели тоа да е во замена за почеток на разговори за штетите од Бугарија од Втората светска војна
